16-avgust kuni AOKAda Madaniyat vazirligi tomonidan o‘tkazilgan matbuot anjumanida vazir Ozodbek Nazarbekov bugungi kunda ayrim xonandalarning 10 ming dollar evaziga to‘yga borishiga munosabat bildirdi.
— Mashhur kiyim do‘konlaridan birida oddiy paypoq 200 dollar turibdi. Nimaga hech kim shikoyat qilmaydi? Nega hech kim “Men shu paypoqni olib kiygim kelyapti, lekin narxiga qurbim yetmaydi”, demaydi. To‘yimga falonchi kelsin, degan narsa orzu-havas. Kechirasizlar-u, orzu-havas pul evaziga bo‘ladi, hamma joyda. Siz menga “Munisa Rizayeva to‘yiga bormagani uchun yoshlar baxtsiz bo‘ladi”, degan argumentni keltirib bering, kerak bo‘lsa, men buni qaror loyihasiga kiritaman. Agar xalqimiz shu bilan baxtli bo‘ladigan bo‘lsa, bu narsani biron qaror loyihasiga kiritamizki, eng mashhur san’atkorlar to‘yma-to‘y yurib, qo‘shiq kuylab yuradi, —deydi Ozodbek Nazarbekov.
Ma’lumot uchun, Munisa Rizayeva o‘zbek shou-biznesidagi “eng qimmat” xonandalardan biri hisoblanadi. Uning Toshkent to‘ylaridagi “birrov” xizmati narxi 1200 dollar qilib belgilangan. Munisa intervyularida bir kunda o‘rtacha 5 ta to‘yga borishi haqida aytib o‘tgan.
Izoh (0)