BBC sharhlovchisi Jon Xantning rafiqasi va ikki qizi uyda arbalet bilan otib ketildi.
Kerol Xant (61), Xanna Xant (28) va Luiza Xant (25) jiddiy jarohatlar bilan Xertfordshirdagi uyidan topilgan. Oilaning uch a’zosi ham voqea joyida vafot etgan.
Politsiya 26 yoshli Kayl Kliffordni qidirmoqda, u Xertfordshirda yoki shimoliy Londonda yashiringan bo‘lishi mumkin. Gumonlanuvchi arbalet bilan qurollangan.
Klifford Britaniya armiyasida xizmat qilgan, u 2022-yilda nafaqaga chiqqan.
“Bugungi kunda bizning asosiy maqsadimiz odamlarni himoya qilish va uchta ayolning o‘ldirilishida gumon qilinayotgan Kayl Kliffordni topishdir, biz buni rejalashtirilgan qotillik deb hisoblaymiz”, —dedi politsiya vakili Jon Simpson.
Jon Xant — BBC va Sky telekanallari sharhlovchisi. U ot poygalarini sharhlagan.
Izoh (0)