Turkiya prezidenti Rajab Toyyib Erdo‘g‘on farmoni bilan uning ikki vaziri o‘zgardi. Bu haqda Yeni Safak xabar berdi.
Murat Kurum ekologiya va shaharsozlik vaziri etib tayinlangan. U sog‘lig‘i sababli iste’foga chiqqan vazir Mehmet O‘zhasekining o‘rnini egallaydi. Kurum 2018—2023-yillar oralig‘ida Atrof-muhit, urbanizatsiya va iqlim o‘zgarishi vazirligida ishlagan, 31-mart kuni bo‘lib o‘tgan mahalliy saylovlarda “Xalq ittifoqi” partiyasidan Istanbul shahar hokimiyati merligiga nomzod bo‘lgan.
Sog‘liqni saqlash vaziri Fahrettin Koja o‘rniga 2016-yildan buyon Istanbul viloyat sog‘liqni saqlash boshqarmasi boshlig‘i lavozimida ishlab kelayotgan Kemal Memisog‘lu tayinlandi. Vazirlar Mahkamasidagi o‘zgarishlar O‘zhaseki iste’foga chiqqanidan so‘ng e’lon qilingan.
Izoh (0)