Toshkent shahrining Mirzo Ulug‘bek hamda Olmazor tumanlarida 11-iyun kuni “svet” vaqtincha o‘chiriladi. Bu haqda “Toshkent shahar elektr tarmoqlari” axborot xizmati xabar berdi.
Maʼlum qilinishicha, bunga isteʼmolchilarga sifatli va barqaror elektr energiyasi yetkazib berilishini taʼminlash va elektr tarmoqlaridagi avariyaviy holatlarning oldini olish hamda mavjud elektr qurilmalarida taʼmirlash ishlari olib borilishi sabab bo‘ladi.
Shu bois ertaga, 11-iyun kuni quyidagi manzillarda elektr taʼminoti vaqtincha o‘chiriladi:
- Mirzo Ulug‘bek tumani: “Avayxon” va “Sayram” MFYlarining ayrim hududlarida soat 10:00 dan 16:00 gacha;
- Olmazor tumani: “Oltinsoy”, “Islom ota”, “Qichqiriq”, “Istiqbol”, “G‘alaba”, “Tabassum”, “Bo‘stonobod”, “Shodiyona”, “Yangi Toshkent”, “Moyariq”, “Ahil” hamda “Elparvar” MFYlarining ayrim hududlarida soat 08:00 dan 17:00 gacha.
“O‘z navbatida yuqoridagi hududlarda taʼmirlash ishlari belgilangan vaqtdan avvalroq yakunlanishi mumkinligini bildirib o‘tamiz”, – deyiladi xabarda.
Izoh (0)