Rossiyada aholini barcha turdagi zamonaviy qurollarning ta’siridan himoya qilish uchun mobil modulli bombapanohlar o‘rnatilishi mumkin. Bu haqda hukumatning tegishli qaror loyihasiga tayanib, “RIA Novosti” xabar berdi.
Bunday turdagi bombapanohlar urushdagi tajribani hisobga olgan holda yadroviy qurollardan ham himoyalanishga mo‘ljallanadi.
Fuqaro muhofazasi obyektlarini yaratish to‘liq yig‘ma konstruktsiyalar va inshootlardan, jumladan, blok-modulli turdagi yoki boshqa materiallardan foydalangan holda obyektlarni qurish yo‘li bilan amalga oshiriladi, — deyiladi hujjatda.
Qaror loyihasiga yozilgan tushuntirish xatida mavjud fuqarolik muhofazasi tuzilmalari butun aholi boshpanasi uchun yetarli emasligi, ko‘plab yerosti xonalari va inshootlarini texnik jihatdan bu maqsadlarga moslashtirish imkonsizligi ta’kidlangan. Yig‘ma konstruksiyalardan foydalangan holda boshpana qurish aholiningg yashirinishi uchun yangi usul hisoblanadi.
Bunday inshootlar bir qator afzalliklarga ega, masalan, ular ko‘chirilishi, cheklangan hududda o‘rnatilishi mumkin, — deyiladi xabarda.
Avvalroq Fuqaro mudofaasi va favqulodda vaziyatlar bo‘yicha Butunrossiya ilmiy-tadqiqot instituti olimlari odamlarni nafaqat yadroviy portlashning yorug‘lik nurlanishidan, balki radioaktiv ifloslanishdan himoya qilish uchun “KUB-M” mobil modulli bombapanoh ishlab chiqqandi.
“KUB-M”ning asosiy to‘plami ikkita modulni o‘z ichiga oladi: 54 kishilik boshpana xonalari va texnik blok. Qo‘shimcha modullarni o‘rnatish orqali boshpana sig‘imini oshirish mumkin. “KUB-M” 48 soat davomida himoya qila olishi ta’kidlangan.
Izoh (0)