Fransuz va eronlik arxeologlar Eronning Qazvin shahri Qaleh kurd g‘orida 450 ming yillik odam tishini topdi. Bu haqda Anthropology xabar berdi.
Eron Markaziy platosi Levant, Kavkaz, Markaziy Osiyo va Sharqiy Osiyo chorrahasidagi strategik joylashuvi tufayli asosiy arxeologik hudud hisoblanadi. Ushbu joylashuv uni pleystosen davrida odamlarning migratsiyasi va o‘zaro aloqa uchun muhim koridorga aylantirgan. Paleoantropologik ishlar olib borilgan g‘orda odamlar taxminan 452 ming va 165 ming yil oralig‘ida yashagan, garchi avvalgi taxmin 80 ming yilni tashkil etgan bo‘lsa ham.
Inson tishi, tosh qurollar va hayvonlar qoldiqlari g‘orda ilk o‘rta paleolit madaniyatlarini aks ettiradi. Qaleh kurd g‘orida 450 ming yillik tishning topilishi inson evolyutsiyasi va migratsiyasining murakkabliklarini ochish bo‘yicha davom etayotgan izlanishlardagi muhim bosqichdir.
“Bundan tashqari, g‘orda aniqlangan ot suyaklari keng qamrovli qassoblikni ko‘rsatib, bu joyning inson hayotining dastlabki amaliyotidagi rolini ta’kidlaydi”, — deyiladi xabarda.
“Ushbu kashfiyot O‘rta pleystosendagi inson evolyutsiyasi haqidagi tushunchamizni boyitibgina qolmay, Eron platosining Levant, Kavkaz, Markaziy Osiyo va Sharqiy Osiyo o‘rtasida ko‘chib o‘tadigan qadimgi insonlar uchun chorraha sifatidagi ahamiyatini ham ta’kidlaydi”, — deydi ismini oshkor qilmaslikni so‘ragan tadqiqotchi.
Izoh (0)