Jahon kinosi va musiqasidagi qarindosh mashhurlar (foto)

Bugungi maqolada qarindoshlik rishtalari bilan bog‘langan jahonga mashhur yulduzlar haqida bir nechta misollarni to‘plashga qaror qildik. Ushbu yulduzlarning oilalarida bir vaqtning o‘zida bir nechta oila a’zosi o‘z sohasida muvaffaqiyat qozongan. Balki, iste’dod ularning qonida bordir?

Runi Mara va Keyt Mara

2005-yilda Runi Mara uning opasi Keyt ishlayotgan “Shahar afsonalari: qonli Meri” nomli filmda o‘zini epizodik rolda sinab ko‘rgan. Bu voqea Runi hayotida katta burilishga sabab bo‘ldi. Keyt Mara esa singlisi aktrisa bo‘lishiga ilhom bergan.

Emma Roberts va Julia Roberts

Ko‘pchilik muxlislar ushbu aktrisalar shunchaki bir xil familiyaga ega deb hisoblab kelgan, lekin ular aslida yaqin qarindoshdir. Emma Roberts Julia Robertsning jiyani bo‘ladi. “Amerika dahshatli filmi” ni suratga olish maydonchasida xolasi bilan ko‘p vaqt o‘tkazgan Emma Julia Roberts izidan borishga qaror qilgan.

Britni Spirs va Jeymi Linn Spirs

Britni Spirsdan ham yaxshiroq qo‘shiqchi faqat uning singlisi Jeymi Linn Spirs bo‘lishi mumkin. Opasining ijodiga havas qilgan Jeymi Linn hozirda bir nechta qo‘shiqlar muallifidir. Biroq u ko‘pincha opasi Britnining soyasida qolishini tan oladi.

Mayli Sayrus va Dolli Parton

Kantri musiqasi malikasi Dolli Parton nafaqat Mayli Sayrusning ustozi, balki cho‘qintirgan onasi hamdir. Mayli Sayrus Dolli ijodini tinglab katta bo‘lgan va undan ko‘plab hayotiy saboqlar olgan. Xonandalar bir vaqtda sahnaga chiqqanda ular birgalikda ajoyib duetlar ijro etadi.

Jeyk Jillenhol va Meggi Jillenhol

Kinematograflar oilasida dunyoga kelgan bolalar taqdiri oldindan belgilab qo‘yilgan edi. Garchi dastlab aka-uka Jeyk va Meggi aktyor bo‘lishni istamagan va boshqa mutaxassislikni tanlagan bo‘lsa-da, keyinchalik fikrini o‘zgartirgan.

Ben Afflek va Keysi Afflek

O‘smirlik paytida aka-uka doimiy ravishda kastinglarda yiqilib kelgan. Muvaffaqiyatsizliklardan bir necha yil o‘tgach, Keysi Afflek va nihoyat filmga taklif etildi va akasining ham ushbu sohaga kirishiga yo‘l ochildi.