Buxoro viloyati, Olot tumanida yashovchi 42 yoshli (ayol) G‘.N. ichki ishlar organlariga murojaat qilib, uning hisobidan nomaʼlum sabablarga ko‘ra 14,5 mln so‘m miqdoridagi pul mablag‘lari yechib olinganligini maʼlum qilgan. Bu haqda Kiberxavfsizlik markazi matbuot xizmati xabar berdi.
Maʼlum qilinishicha, o‘tkazilgan tezkor-qidiruv tadbirlari natijasida mazkur jinoyatni Xorazm viloyati Yangiariq tumanida yashovchi 19 yoshli Q.A. sodir etganligi aniqlandi.
Unga ko‘ra, Q.A. jabrlanuvchi (ayol) G‘.N.ga qo‘ng‘iroq qilgan va o‘zini bank operatori sifatida tanishtirib, SMS xabarnoma (soxta havola) yuborish orqali shaxsiy maʼlumotlarini qo‘lga kiritib, uning hisobida bo‘lgan 14,5 mln so‘m pullarni o‘zining foydalanuvida bo‘lgan bank plastik kartasiga o‘tkazib olgan.
Mazkur holat yuzasidan JKning 169-moddasi 1-qismi (o‘g‘rilik, yaʼni o‘zganing mol-mulkini yashirin ravishda talon-toroj qilish) bilan jinoyat ishi qo‘zg‘atilib, Q.A.ning sodir etilib, fosh etilmay qolgan boshqa shu turdagi jinoyatlarga aloqadorligini tekshirish maqsadida tergov, tezkor-qidiruv harakatlari davom ettirilmoqda.
Izoh (0)