Peru politsiyasi noqonuniy boyishda gumonlanayotgan prezident Dina Boluartening qarorgohida tintuv o‘tkazdi. Bu haqda Channelstv xabar berdi.
Politsiyaning ta’kidlashicha, reyd deklaratsiya qilinmagan Rolex soatlarini “qidirish va musodara qilish uchun mo‘ljallangan”. Politsiya va prokuraturaning qo‘shma operatsiyasi Peru kanali orqali namoyish etilgan.
Davlat rahbariga nisbatan ish bo‘yicha tergov boshlanishiga gazetadagi maqola sabab bo‘lgan. Unda mamlakat prezidenti qo‘liga qimmatbaho soat taqib yurgani ta’kidlangan. Hashamatli buyumlar deklaratsiyada keltirilmagan.
Tintuvlar chog‘ida prezident qarorgohda bo‘lmagani xabar qilingan. Peru bosh vaziri Gustavo Adrianzen reydni “haqoratomuz va konstitutsiyaga zid” deb atagan. Boluartening o‘zi hali uyidagi tintuvlarga izoh bermagan.
OAV xabarlariga ko‘ra, Boluarte Peru prezidenti lavozimida ishlagan davrda mamlakat bo‘ylab vaqti-vaqti bilan uning iste’fosi, parlamentni tarqatib yuborish va zudlik bilan saylovlar o‘tkazish talabi bilan norozilik namoyishlari bo‘lib o‘tgan.
Izoh (0)