Yulduzlarning farzandlari ota-ona izidan borib, ijtimoiy tadbirlarda ular bilan birga bo‘lishsa-da, mashhurlikka erisha olmaydi.
Dikon Filipp — Riz Uizerspunning o‘g‘li
Aktrisaning uch nafar ajoyib farzandi bor. Ammo muxlislar tobora qizlarning sevimlisiga aylanib borayotgan 20 yoshli Dikon Filippga ko‘proq qiziqadi. U kelishgan tashqi ko‘rinishi uchun onasi Riz Uizerspundan qarzdor. Dikon ota-onasining izidan borishga va ijodkor bo‘lishga qaror qildi. 2020-yilda u shotlandiyalik qo‘shiqchi Nina Nesbitt bilan birga o‘zining birinchi “Long Run” singlini chiqardi.
Dikon o‘zini aktyorlik sohasida ham sinab ko‘rdi va Netflix’ning o‘smirlar uchun mo‘ljallangan “Men hech qachon...” shousida debyut qildi. Ammo u hali ham musiqani afzal ko‘radi. Uizerspunning o‘g‘li qo‘shiq aytish va prodyuserlik bilan jiddiy shug‘ullanmoqchi. O‘tgan yilning aprel oyida u “A New Earth” debyut albomini chiqardi.
Onor Meri Uorren — Jessika Albaning qizi
Jessika Albaning to‘ng‘ich qizi Onor Meri Uorren hozir 15 yoshda. Aktrisaning tan olishicha, shunday vaqtlar bo‘lganki, balog‘at yoshidagi Onor bilan munosabatlarida qiyinchiliklarga duch kelgan. Shundan so‘ng ona-bola hatto psixoterapiyaga birga borishgan. Bu ularning munosabatlarini yaxshilashga yordam bergan. Hozirda ular havas qilarlik munosabatlarga ega.
Aytgancha, Jessikani The Honest Company’ni yaratishga ilhomlantirgan ham Onor bo‘lgan. Mazkur kompaniya iste’mol tovarlari va zararli moddalar bo‘lmagan maishiy mahsulotlar ishlab chiqaradi. Birinchi homiladorligida aktrisaning tozalash vositalariga allergiyasi bo‘lgan. Natijada Alba har qanday yoshdagi odamlar uchun yuqori sifatli va xavfsiz uy-ro‘zg‘or buyumlarini yaratishga qaror qiladi.
Hozirda Onorning ijtimoiy tarmoqdagi akkaunti yopiq. Ehtimol, yoshi tufayli qiz o‘z hayotini kengroq auditoriyaga ko‘rsatishga hali tayyor emasdir. Ammo uning bir nechta fotosuratlari saqlanib qolgan.
Jeyms Uilki — Sara Jessika Parkerning o‘g‘li
Sara Jessika Parkerning birinchi farzandi hozir 21 yoshda. Aktrisa hech qachon o‘g‘lini jamoatchilikdan yashirmagan va uni tez-tez ijtimoiy tadbirlarga olib boradi.
Yigitcha ijtimoiy tarmoqlarda faol emas. Jeyms do‘stlari bilan vaqt o‘tkazishni, sayohat qilishni yaxshi ko‘radi va sport bilan shug‘ullanadi. OAV uchun u faqat “Sara Jessika Parkerning o‘g‘li” sifatida tanilgan.
Bria Myorfi — Eddi Myorfining qizi
Eddi Myorfi o‘n farzandning otasi ekanligini ko‘pchilik bilmaydi. Bolalari ichida eng iste’dodlisi — qizi Bria Myorfi, u 1989-yilda model Nikol Mitchell bilan nikohidan tug‘ilgan. Bria otasining izidan borib, aktrisa bo‘ldi. U hozircha eng mashhur va yuqori maosh oluvchi yulduzlar qatoriga kira olmagan, lekin hali oldinda uzoq yo‘l bor. Bria “O‘yin”, “Dada”, “Barcha kattalar kabi”, “Mukammal tanlov” loyihalarida rol o‘ynagan. 2022-yilning yozida Bria Maykl Xaverga turmushga chiqdi.
Izoh (0)