Akademiya mukofotini topshirish marosimi kino olamidagi eng hayajonli voqealardan biridir. Quyida dunyo prokatlari yetakchilari “Barbi” va “Oppengeymer” filmlaridan tashqari yana nimalarni ko‘rishga ulgurishingiz mumkinligi haqida gaplashamiz.
“Qiziqish sohasi”
Mazkur film festivallarda katta qiziqish uyg‘otdi va Kannda Gran-prini qo‘lga kiritdi. Britaniyalik Jonatan Gleyzerning “Qiziqish sohasi” Martin Amisning xuddi shu nomdagi kitobiga asoslangan. Bosh qahramon — Osventsim komendanti Rudolf Xyoss, u xotini va bolalari bilan lager devorining narigi tomonida yashaydi.
Xyoss oilasining farovon hayoti va uning ishi o‘rtasidagi dahshatli manzara filmning asosiy mavzusidir. Aktyorlar tarkibi ham diqqatga sazovor. Xyossning rafiqasi Xedvig rolini o‘ynagan aktrisa Sandra Xyuller bu yil mukofotlar ro‘yxatiga ikki marta kiritilgan. U boshqa nomzodlik filmi – “Qulash anatomiyasi” detektiv dramasida bosh rolni ijro etadi.
“Napoleon”
Film rejissyori “Gladiator”, “Samoviy qirollik” va “So‘nggi duel” kabi tarixiy kino klassikasida o‘zini ko‘rsatgan Ridli Skott. Bundan tashqari, “Gladiator” filmining suratga olish ishlarida rejissyor bilan birga ishlagan Xoakin Feniks bosh rolni ijro etadi. Film Napoleon hayotining asosiy bosqichlari haqida hikoya qiladi va uning rafiqasi Jozefina bilan munosabatlariga alohida e’tibor qaratiladi.
Baʼzi tarixiy noaniqliklar bo‘lsa-da, film epik ko‘lami va o‘sha davr muhiti bilan yuqori baholangan.
-XEAQWhWP.jpeg)
“Sho‘rlik baxtiqarolar”
Filmda iqtidorli jarroh o‘z joniga qasd qilgan ayol tanasiga go‘dak miyasini ko‘chirib o‘tkazadi. U ulg‘ayishni va atrofidagi dunyo bilan tanishishni boshlaydi, bu esa asta-sekin unga ko‘proq va ko‘proq yangi qirralarni ochadi.
“Gulli oy qotillari”
Martin Skorseze + Leonardo Di Kaprio formulasiga asoslangan jinoiy drama. Bu safar ijodiy duet Amerika tarixining ozgina o‘rganilgan bobini, ya’ni 1920-yillarda Osage okrugidagi hindularning qirg‘in qilinishi haqida hikoya qiladi. Urushdan qaytgach, bosh qahramon Ernest Burxart amakisining maslahati bilan hududidan topilgan neft tufayli oilasi boyib ketgan hindu qizga uylanadi.
“May-dekabr”
Yoshida katta farq bo‘lgan juftliklar duch keladigan qiyinchiliklar haqidagi drama. Bir vaqtlar bosh qahramon Greysi katta yoshli ayol bo‘lsa ham o‘smir Jo bilan yaqin munosabatlarga kirishadi. Qamoqdan chiqqanidan keyin Greysi u bilan oila quradi. Yillar o‘tib, ularning hayoti o‘z yo‘liga tushadi: mustahkam nikoh, shinam uy, uch farzand. Ammo er-xotinning munosabatlari ularnikiga yosh aktrisa Elizavet kelganidan so‘ng buziladi – u shov-shuvli roman asosidagi filmda Greysi rolini o‘ynashga hozirlik ko‘rmoqda. Filmda noteng munosabatlarning psixologik jihatlari haqida ochiq so‘z yuritiladi va kattalarning bolalar oldidagi mas’uliyati masalasi ko‘tariladi.
“Mukammal kunlar”
Nemis klassikasi Vim Vendersning Yaponiyada suratga olingan dramasi. Vendersni noyob dizayn asosida butun dunyo rassomlari tomonidan yaratilgan Tokiodagi yangi jamoat hojatxonalari haqida qisqa metrajli film suratga olishga taklif qilishadi. Unga g‘oya shu qadar yoqadiki, shu asosda to‘liq metrajli film olishga qaror qiladi. Keksa yaponiyalik Xirayama mana shu hojatxonalarda farrosh bo‘lib ishlaydi, xotirjam va osoyishta hayot kechiradi. Shu bilan birga, plyonkali suratga olish va daraxt o‘stirish bilan shug‘ullanadi. “Mukammal kunlar” — ruhiyatda uyg‘unlik hukm sursa, hatto kundalik odatlar ham go‘zal bo‘lishi mumkinligini eslatadi.
-MTQsGCbc.jpg)
“Qor jamiyati”
Gilermo del Toro bilan “Mehribonlik uyi” mistik trillerida ishlagan ispaniyalik rejissyor Xuan Antonio Bayonaning hayratlanarli hikoyasi. Rejissyorning yangi filmi real voqealarga asoslangan. 1972-yilda regbi jamoasini olib ketayotgan Urugvay samolyoti And tog‘larida halokatga uchraydi. Tabiiy ofatdan omon qolganlar 72 kun davomida g‘ayriinsoniy sharoitlarda, ba’zida ekstremal choralar ko‘rishga majbur bo‘ladi.
-zTsZZrFI.jpeg)
“Bolakay va qarqara”
Onasining o‘limidan so‘ng 12 yoshli Mahito Maki otasi va uning yangi xotini bilan qishloq chetidagi uyga ko‘chib o‘tadi. Bolaning tengdoshlari va o‘gay onasi bilan munosabatlari yaxshi bo‘lmaydi — u o‘tmishdagi hayotiga tobora ko‘proq intiladi. Bir kuni Mahito sirli qarqaraga duch keladi, uni sehrli dunyoga olib boradi, u yerda bola g‘alati qahramonlar bilan uchrashadi.
“Robotning orzulari”
“Eng yaxshi animatsion film” nominatsiyasida yana bir nomzod ispaniyalik rejissyor Pablo Bergerdir. Sara Varonning komiksiga asoslangan yolg‘izlik haqidagi achchiq hikoya. Bosh qahramon — 1980-yillarda Nyu Yorkda yashaydigan va do‘sti bo‘lishini orzu qiladigan It. Yaxshiyamki, u yashaydigan olamda do‘stga buyurtma berish mumkin va tez orada It robotning egasiga aylanadi, u bilan qadrdon do‘st bo‘ladi.
Izoh (0)