Toshkentda qariyb 1 992 dona kuchli ta’sir qiluvchi dorilarni muomalaga kiritilishining oldi olindi, deb xabar bermoqda “Daryo”ga poytaxt IIBB matbuot xizmati.
Maʼlum qilinishicha, Chilonzor tumanida Spark avtomashinasi haydovchisi va yo‘lovchisi xolislar bilan ko‘zdan kechirilganda 53 dona “Zardeks” dori vositalari topilib, ashyoviy dalil sifatida olingan. Shundan so‘ng gumonlanuvchilar bilan o‘tkazilgan surishtiruv davomida kuchli taʼsir qiluvchi dorilar kimdan olingani maʼlum bo‘lgan.
Tezkor tadbir davom ettirilib, boshqa bir gumonlanuvchi ham qo‘lga olingan. Uning yoni va yashash manzili xolislar bilan ko‘zdan kechirilganda katta miqdordagi — 1 939 dona “Zardeks” dorisi topilgan.
Tadbir davomida 3 nafar gumonlanuvchidan 1 992 dona, bahosi 100 mln so‘m bo‘lgan dori vositalari ashyoviy dalil sifatida olingan.
Mazkur holat yuzasidan Jinoyat kodeksining 2511-modda 3-qismi bilan (kuchli taʼsir qiluvchi yoki zaharli moddalarni qonunga xilof ravishda muomalaga kiritish) jinoyat ishi qo‘zg‘atilib, ehtiyot chorasi sifatida jinoyatchilar qamoqqa olingan.
Izoh (0)