AQSH Milliy xavfsizlik kengashi matbuot kotibi Jon Kirbi 20-fevral kuni Oq uy tomonidan Rossiyaga qarshi yirik sanksiyalar paketi joriy qilinishini maʼlum qildi. Bu haqda CNN nashri xabar berdi.
Sanksiyalar paketi juma kuni tasdiqlanishi aytilgan. Cheklovlar kiritiladigan sohalar ro‘yxati oshkor qilinmagan.
Shuningdek, sanksiyalar Rossiya prezidenti Vladimir Putinni Ukrainadagi ikki yillik urush uchun javobgarlikka tortishi aytilgan. AQSH tomonidan eʼlon qilinishi rejalashtirilayotgan yangi “qora ro‘yxat”ga Kremlning bir qator nufuzli vakillari, shuningdek, yirik savdo-tijorat vakillari kiritilishi belgilangan.
Yangi sanksiyalar haqidagi qaror prezident Jo Bayden 19-fevral kuni jurnalistlarga Aleksey Navalniyning o‘limi yuzasidan qo‘shimcha choralar qo‘llash imkoniyatini ko‘rib chiqayotganini aytganidan so‘ng eʼlon qilindi.
Izoh (0)