Farg‘ona viloyatida 755 ming dollarni chetga noqonuniy olib chiqib, 3,7 milliard so‘m subsidiya mablag‘larini o‘zlashtirganlar aniqlandi. Bu haqda Bosh prokuratura huzuridagi departament xabar berdi.
Departamentning Bag‘dod tuman bo‘limi tomonidan o‘tkazilgan tergovga qadar tekshiruvda “B.E.” MCHJ mas’ul shaxslari qishloq xo‘jaligi mahsulotlarini eksport qilib, MCHJning eksport mahsulotlarini tashishda transport xizmatlari mahalliy transport korxonalari tomonidan ko‘rsatgan bo‘lsada, “E.I.” xorijiy korxonasi bilan transport xizmati ko‘rsatish bo‘yicha shartnomalar tuzishga erishib, ushbu korxonaga 755 ming AQSH dollari o‘tkazib, kapitalni chetga noqonuniy olib chiqqan.
Shuningdek, xalqaro transport yuk xatlarini soxtalashtirish yo‘li bilan jami 3,7 milliard so‘m subsidiya mablag‘larini olishga erishib, ushbu mablag‘larini o‘zlashtirish yo‘li bilan talon-toroj qilgani aniqlangan.
Mazkur holatlar yuzasidan Jinoyat kodeksining tegishli moddalari bilan jinoyat ishi qo‘zg‘atilib, tergov harakatlari o‘tkazilmoqda.
Izoh (0)