Toshkentda tovlamachilikda ayblanayotgan uch kishiga qidiruv eʼlon qilindi

Toshkent shahrida tovlamachilikda ayblanayotgan uch nafar shaxsga nisbatan qidiruv eʼlon qilindi.

Qayd etilishicha, shahar IIBB huzuridagi Tergov boshqarmasi tomonidan Jinoyat kodeksining 165-moddasi (tovlamachilik) bilan tergov qilinayotgan jinoyat ishi doirasida tergovdan qochib yashiringan quyidagi shaxslar qidirilmoqda: 

• 1964-yilda tug‘ilgan Isamitdinov Xusan Xashimovich; 
• 1966-yilda tug‘ilgan Qudratullayev Shuxrat Zaparovich;
• 1988-yilda tug‘ilgan Vapayev Feruz Muxammatsalayevich.

“Hurmatli fuqarolar, agar siz ushbu shaxslarning qayerda ekanligi haqida biror maʼlumotga ega bo‘lsangiz, Toshkent shahar IIBBning 71-206-45-69, 71-206-49-46 yoki 102 raqamlariga yoxud 99-370-73-94 Telegram raqamiga murojaat qilishingizni so‘raymiz. Murojaatchining shaxsi sir saqlanishi kafolatlanadi.

Unutmang, jinoyat sodir etgan shaxslarni yashirish javobgarlikka tortishga asos bo‘ladi”, — deyiladi xabarda.