O‘zbekistonda tezkor tadbirda olingan farmatsevtika mahsulotlari ekspertizadan o‘tkazildi

O‘zbekistonda yanvar oyida o‘tkazilgan tezkor tadbirda farmatsevtika mahsulotlari ekspertizadan o‘tkazildi.

Mazkur tezkor tadbir sifatsiz va qalbaki dori vositalari hamda tibbiy buyumlarning O‘zbekiston hududiga kirib kelishi, ro‘yxatdan o‘tkazilgan dori vositalarining esa g‘ayriqonuniy nusxalari aylanmasiga chek qo‘yish maqsadida tashkil etildi. Aniqlangan 408 holatda dori vositalari ekspertiza uchun Farmatsevtika mahsulotlari xavfsizligi markaziga taqdim qilindi.

Ushbu mahsulotlar Markaz laboratoriyalarida tekshirilganda 10 006 o‘ramdagi dori vositalari va tibbiy buyumlarning tibbiyot amaliyotida qo‘llash mumkin emasligi aniqlandi. Jumladan:

2115 o‘ram — davlat ro‘yxatidan o‘tgan; 
2756 o‘ram — davlat ro‘yxatidan o‘tmagan;
2756 o‘ram — muvofiqlik sertifikati mavjud bo‘lmagan;
2115 o‘ram — muvofiqlik sertifikati mavjud;
241 o‘ram — yorliqlash ko‘rsatkichi bo‘yicha (kontrafakt);
23 o‘ram — yaroqlik muddati tugagan (sifatsiz);
46 o‘ram – qalbakilashtirilgan.

Tahlillar natijasi bo‘yicha tegishli xulosalar ta’sir choralarini ko‘rish uchun huquqni muhofaza qilish organlarga taqdim qilindi.