O‘zbekiston doimiy aholisining 56,3 foizi mehnatga layoqatli yoshdagi fuqarolar hisoblanadi.
Davlat statistika agentligi ma’lumotiga ko‘ra, 2024-yil 1-yanvar holatiga ko‘ra, mamlakat doimiy aholisining 32,1 foizini (11,8 million kishi) mehnatga layoqatli yoshdan kichiklar hamda 11,6 foizini (4,3 million kishi) mehnatga layoqatli yoshdan kattalar tashkil etadi.
O‘zbekistonning doimiy aholisi 2024-yilning 1-yanvar holatiga ko‘ra 36 799 756 kishini tashkil etdi. Shundan 18 274 745 nafari ayollar. 18 525 011 nafari erkaklardir.
Respublikaning doimiy aholisi soni o‘tgan yilning mos davri bilan solishtirilganda 2,2 foizga oshgan.
Izoh (0)