Futbol bo‘yicha Osiyo Kubogining chorak finalida O‘zbekiston terma jamoasi 3-fevral, shanba kuni musobaqa mezboni Qatarga qarshi bahs olib bordi.
Uchrashuvning 27-daqiqasida Hassan al-Haydos qanotdan kirib borib, zarba berdi va to‘p O‘tkir Yusupovga tegib, darvozadan joy oldi. Shu tariqa Qatar hisobni ochdi. Birinchi bo‘lim qatarliklarning kichik ustunligida yakunlandi.
Ikkinchi bo‘limda esa O‘zbekiston faollikni oshirdi. 58-daqiqaga kelib esa muvozanat tiklandi. Odiljon Hamrobekov ajoyib zarba bilan darvozani ishg‘ol qildi. Qolgan daqiqalarda darvozalar ishg‘ol etilmadi va jamoalar qo‘shimcha bo‘limlarga murojaat qildi.
Qo‘shimcha bo‘limlarda ham darvozalar daxlsizligi saqlanib qoldi va g‘olib nomi penaltilar seriyasida aniqlanadigan bo‘ldi.
Penaltilar seriyasida esa musobaqa mezbonlarining qo‘li baland keldi va yarim final yo‘llanmasiga ega chiqdi.
Qatar 7-fevral kuni yarim finalda Eronga qarshi bahs olib boradi.
Osiyo Kubogi
1/4 final bosqichi
3-fevral, shanba
Qatar — O‘zbekiston 1:1 (3:2)
Gollar: 1:0 — 27 O‘tkir Yusupov (avtogol), 1:1 — 58 Odiljon Hamrobekov.
Qatar: Barsham, Ro-Ro, Lukas Mendes, Ali, Salmon (Muhammad, 90), Tarek, Abdulvahob, Gaber (Hatem, 81), Fatahi, Afif, Al-Haydos (Munir, 54), Ali.
O‘zbekistan: Yusupov, Eshmurodov, Ashurmatov, Abdulloyev, Sayfiyev (Abdirahmatov, 99), Turg‘unboyev (Hamraliyev, 105), Hamrobekov, Shukurov, O‘runov (Umarov, 74), Fayzullayev (Erkinov, 114), Masharipov.
Ogohlantirishlar: Barsham (46), Shukurov (69), Munir (89), Ashurmatov (90), Ali (90).
Izoh (0)