“Bu ajoyib tuyg‘u”. Robert De Niro 80 yoshda ota bo‘lish haqidagi fikrlari bilan bo‘lishdi

Taniqli aktyor Robert De Niro yetti nafar bolaning otasi hisoblanadi. Hozir uning to‘ng‘ich qizi 52 yoshda, kenja farzandi — Jii Virjinia Chin-De esa 9 oylik. Robert De Niroga bu farzandni jang sanʼati instruktori Tiffani Chen sovg‘a qildi. Aktyorning o‘zi esa farzandli bo‘lgani haqidagi savollarni javobsiz qoldirayotgan edi. Lekin yaqinda AARP portali jurnalistlari bilan suhbatda o‘z fikrlari bilan bo‘lishdi.

“Bu ajoyib tuyg‘u. Men nimadandir qayg‘ursam yoki xavotirga tushsam unga qarashim bilan hamma narsani unutaman. Bu mo‘jiza. Ulg‘aygach, nima bo‘lishi haqida biron nima deyish qiyin, lekin hozir u menga juda yoqimli qaraydi, meni taniydi. O‘ylaydi, kuzatadi”, — deydi aktyor.

Maʼlumot uchun, De Niro kenja qizining onasi Tiffani Chen bilan 2022-yildan buyon uchrashib keladi.