Ispaniya La Ligasi prezidenti Xavyer Tebas “Real” rahbari Florentino Peresni Yevropa futboliga ustunlik qilish istagini tanqid ostiga oldi.
“Uning maqsadi — eng boy va eng katta aktivlarga ega klublar Yevropada futbolni boshqarishini ta’minlash. Uning uchun qolgan barcha klublar shunchaki vassallar, ular shunchaki berilgan narsalar uchun xursand bo‘lishlari kerak.
Nega men Peresni tanqid qilyapman? Uyingizga bostirib kirib, sizni o‘g‘irlamoqchi bo‘lgan odam bilan umumiy fikrga kelishning iloji yo‘q”, — deya Tebasning so‘zlaridan iqtibos keltiradi Sport es.
Eslatib o‘tamiz, 2021-yilning avgust oyida “qaymoqranglilar” Yevropa Superligasi tashkil etilishiga to‘sqinlik qilgani uchun Tebas ustidan sudga murojaat qilgandi.
“Real” Ispaniya chempionatining 20-turidan so‘ng 51 ochko jamg‘arib, ikkinchi o‘rinda bormoqda.
Izoh (0)