Saudiya Arabistoni Harbiy-havo kuchlarining qiruvchi samolyoti payshanba kuni sharqiy Zahron shahridagi Qirol Abdulaziz harbiy-havo kuchlari bazasi yaqinida halokatga uchradi.
Bu haqda qirollik Mudofaa vazirligi vakili Turki al-Malikiy ijtimoiy tarmoqlardagi o‘z sahifalarida ma’lum qildi.
“Qirollik havo kuchlarining F-15 SA qiruvchi samolyoti mahalliy vaqt bilan soat 12:50 da Zahrondagi Qirol Abdulaziz harbiy-havo kuchlari bazasi hududida muntazam mashg‘ulot parvozi chog‘ida halokatga uchradi. Samolyot ekipaji halok bo‘ldi”, — dedi al-Malikiy.
Uning so‘zlariga ko‘ra, ekipajdagi ikki kishi halok bo‘lgan, voqea yuzasidan maxsus komissiya tekshiruv boshlagan.
Izoh (0)