22-noyabr kuni poytaxtdagi to‘yxonalardan birida ko‘plab shou-biznes vakillarini jamlagan to‘y bo‘lib o‘tdi. Yosh xonanda Mahliyo Omon bir nechta klipini suratga olgan rejissor To‘lqin Haydarovga turmushga chiqdi.
To‘yda ko‘plab taniqli san’atkorlar xizmatda bo‘ldi. Jasmin kechada “navbatchi” san’atkor, Mirjalol Ne’matov, Ruxshona hamda Yulduz Usmonova esa mehmonlarga raqsbop taronalarini ijro etib berdi.
Ma’lumot uchun, Mahliyo Omon 1996-yilda Qo‘qonda tug‘ilgan. U oilada uch farzandning to‘ng‘ichi. Mahliyoning ikki ukasi bor. Xonanda “Olib kel”, “Layliman”, “O‘zbekiston”, “Qiynama”, “Telba” kabi qo‘shiqlari bilan tanilgan. Timur Haydarov esa ovoz yozish studiyasi rahbari hamda ko‘plab san’atkorlarning qo‘shiqlariga kliplar suratga olgan.
Mavzuga doir
×![Lightbox Image]()
Izoh (0)