Instagram: Bobur Mansurov uylandi, Sardor Rahimxonning onasi vafot etdi, Bahodir Jalolov va Sitora Farmonovaning to‘yi bo‘lyaptimi?

Jahon va o‘zbek shou-biznesi vakillarining Instagram sahifalariga joylashtirilgan qiziqarli foto va videolarni e’tiboringizga havola etamiz.

“Afandining qizlari” hajviy jamoasidagi chiqishlari bilan tanilgan aktrisa Nigina Jabborova onasini tug‘ilgan kuni bilan tabrikladi.

Dilnoza Kubayeva yangi surati izohiga sevimli shoiri Usmon Azimning she’rini yozib qoldirdi.

 

Jahongir Otajonov bugungi kunda tobora ko‘payib borayotgan psixologlar haqidagi fikr bildirdi. Xonandaning aytishicha, “Insonga muammolarini hal qilish uchun miya berilgan. Muammolarini o‘zi hal qila olmaydigan insonlar psixolog bilan bir necha daqiqa so‘zlashib o‘tirish uchun pul to‘laydi. U o‘sha paytda o‘zini biroz yengil his etadi. Biroq bu yengillik uning hayotiga navbatdagi muammo kelgunicha davom etadi”.

Barchin G‘ofurova yangi serialda avvalgi obrazlaridan tubdan farq qiladigan rolni ijro etayotgani haqida so‘zlab berdi. 

“Xulq-atvor bu har bir kishi o‘z ichki olamini ko‘rsatadigan oyna” demoqda Sitora Farmonova. 

Taniqli bokschi Bahodir Jalolov aktrisa Sitora Farmonovaga uylanayotgani haqidagi mish-mishlarga oydinlik kiritdi.

Ulug‘bek Rahmatullayev yaqinda taqdimotini o‘tkazgan qo‘shig‘iga klipi uchun aktyor va aktrisalar kastingini boshladi. 

 

Bollivud qiroli Shohruh Xon taniqli futbolchi Devid Bekhemni mehmon qildi. Aktyor u bilan tushgan posti izohiga futbolchining samimiy va kamtarinligi tahsinga sazovor ekanligini yozib qoldirgan.

Gulsanam Mamazoitova 2004-yilda Germaniyada tushgan suratini sahifasiga joyladi. Ushbu suratda yana bir nechta taniqli san’atkorlarni ham ko‘rish mumkin.

Bahora Arslonova qaynota-qaynonasi hamda turmush o‘rtog‘i bilan tushgan suratini sahifasiga joyladi. 

“Vaqf” fondining xayriya ishlari bo‘yicha direktori Sardor Rahimxonning onasi vafot etdi. Bu haqda ijtimoiy tarmoqlarda xabar berildi. Sobiq san’atkorning onasi uzoq vaqt davom etgan kasallikdan so‘ng olamdan o‘tgan. 

20-noyabr kuni ijtimoiy tarmoqlardagi qiziqarli vaynlari orqali tanilgan aktyor Bobur Mansurov uylandi. To‘y aktyor tug‘ilib-o‘sgan Sirdaryo viloyati Guliston shahrida o‘tkazildi.

Nikoh oqshomida o‘zbek shou-biznesining ko‘plab taniqli vakillari mehmon bo‘ldi.