Futbol bo‘yicha U-17 Jahon Chempionati nimchorak final bahsida O‘zbekiston o‘smirlari 22-noyabr, chorshanba kuni Angliyaga qarshi bahs olib bordi.
Uchrashuvning 4-daqiqasidayoq hisob ochildi. O‘zbekistonlik futbolchi Amirbek Saidov raqib darvozasini ishg‘ol qildi. 35-daqiqada Joel Ndala Riggning uzatmasidan so‘ng darvozabon bilan birga-bir vaziyatga chiqib ketdi va o‘z hisobiga gol yozdirib qo‘ydi.
Ikkinchi bo‘limda ham terma jamoalar bir qancha hujumlarni tashkil qildi. 66-daqiqada o‘zbekistonliklar jarima zarbasini ishlab oldi. Standart vaziyatni Lazizbek Mirzayev ajoyib tarzda golga aylantirdi.
Qolgan daqiqalarda darvozalar ishg‘ol etilmadi va O‘zbekiston o‘smirlari 2:1 hisobida g‘alaba qozonib, chorak finalga yo‘l oldi. Jamoliddin Rahmatullayev shogirdlari chorak finalda Fransiya va Senegal juftligi g‘olibi bilan bahs olib boradi.
U-17 Jahon Chempionati
1/8 final
22-noyabr, chorshanba
Angliya U-17 – O‘zbekiston U-17 1:2
Gollar: 0:1 — Saidov, 1:1 — 35 Joel Ndala, 1:2 — 67 Mirzayev.
Angliya U-17: 1. Tommi Setford, 2. Josh-Kofi Achempong, 3. Jeyden Megoma, 5. Lekli Samuel, 6. Ish Samuel-Smit (12. Harrison Myurrey-Kempbel, 87), 10. Sam Amo-Ameyav ( 9. Jastin Obovaoduo, 80), 11. Joel Ndala, 14. Denni Reys (4. Finli Makallister, 46), 16. Mayls Lyuis-Skelli, 18. Kris Rig (20. Etan Nvaneri,63) 19. Metti Verhorst
O‘zbekiston U-17: 21. Muhammadyusuf Sobirov, 5.Azizbek To‘lqinbekov, 6. Ozodbek O‘ktamov (3. Yahyo O‘rinboyev, 46), 7. Lazizbek Mirzayev, 8. Behruz Shukurullayev (4. Behruzjon Karimov, 90+1), 9. Amirbek Saidov (18. Jasur Hikmatullayev, 90+4), 13. Behruz Jumatov, 16. Muhammadali Reimov, 17. Ollabergan Karimov, 19. Sherzod Abdulboriyev, 20. Dilshod Abdullayev.
Ogohlantirishlar: Denni Reys (21), Amirbek Saidov (27), Ish Samuel-Smit (65).
Izoh (0)