Isroil harbiylari AQSHdan kelgan zirhli texnikalar ortilgan yuk samolyotini kutib oldi. Bu haqda Isroil Mudofaa vazirligi matbuot xizmati ma’lum qildi.
Mazkur texnikalar Isroil armiyasining janglarda zararlangan harbiy texnikasi o‘rnini egallashi kutilmoqda.
“Isroil Mudofaa vazirligi Amerika Qo‘shma Shtatlaridan Isroil mudofaa kuchlari (IDF) tomonidan foydalanish uchun mo‘ljallangan zirhli transport vositalarining birinchi partiyasini qabul qilib oldi. Texnikalar harbiy harakatlar paytida shikastlanganlarini almashtirish uchun Isroil armiyasiga topshiriladi”, — deyiladi Mudofaa vazirligi bayonotida.
Avvalroq AQSH davlat departamenti amaldori Josh Pol AQSHning Isroilga harbiy yordam o‘tkazish haqidagi qaroriga rozi bo‘lmagani uchun iste’foga chiqqani xabar qilingandi.
Izoh (0)