APL. “Arsenal” turning markaziy o‘yinida “Manchester Siti”ni minimal hisobda mag‘lub etdi

Futbol bo‘yicha Angliya Premyer Ligasining 8-turida “Arsenal” va “Manchester Siti” jamoalari 8-oktabr, yakshanba kuni o‘zaro kurash olib bordi. 

Uchrashuvning birinchi bo‘limida darvozalar daxlsiz qoldi. Ikkinchi bo‘lim ham teng kurashlar ostida kechdi. Biroq, 86-daqiqada londonliklar hisobni ochdi. Kay Havertsning uzatmasini Gabriel Martinelli darvozaga joylab qo‘ydi. Ushbu gol “kanonirlar”ga g‘alaba keltirdi.

Ushbu o‘yindan so‘ng “Arsenal” ochkolari sonini 20 taga yetkazdi va 2-o‘ringa ko‘tarilib oldi. “Manchester Siti” esa 18 ochko bilan 3-pog‘onadan joy oldi.

APL

8-tur

8-oktabr, yakshanba

“Arsenal” — “Manchester Siti” 1:0

Gol: 1:0 – 86 Martinelli.

“Arsenal”: Rayya, Uayt, Gabriel, Saliba, Zinchenko (Tomiyasu, 75), Jorjinyo (Parti, 75), Edegor, Rays, Trossard (Martinelli, 46), Gabriel Jezus, Nketia (Haverts, 75).

“Manchester Siti”: Ederson, Uoker, Ake, Ruben Diash, Gvardiol, Lyuis (Stounz, 68), Kovachich (Mateush Nunesh, 68), Bernardu Silva, Foden, Holand, Alvares (Doku, 68).

Ogohlantirishlar: Jorjinyo (11), Bernardu Silva (23), Kovachich (29), Ederson (90), Gabriel Jezus (90).