АПЛ. “Арсенал” турнинг марказий ўйинида “Манчестер Сити”ни минимал ҳисобда мағлуб этди

Футбол бўйича Англия Премьер Лигасининг 8-турида “Арсенал” ва “Манчестер Сити” жамоалари 8-октябрь, якшанба куни ўзаро кураш олиб борди. 

Учрашувнинг биринчи бўлимида дарвозалар дахлсиз қолди. Иккинчи бўлим ҳам тенг курашлар остида кечди. Бироқ, 86-дақиқада лондонликлар ҳисобни очди. Кай Ҳаверцнинг узатмасини Габриэль Мартинелли дарвозага жойлаб қўйди. Ушбу гол “канонирлар”га ғалаба келтирди.

Ушбу ўйиндан сўнг “Арсенал” очколари сонини 20 тага етказди ва 2-ўринга кўтарилиб олди. “Манчестер Сити” эса 18 очко билан 3-поғонадан жой олди.

АПЛ

8-тур

8-октябрь, якшанба

“Арсенал” — “Манчестер Сити” 1:0

Гол: 1:0 – 86 Мартинелли.

“Арсенал”: Райя, Уайт, Габриэль, Салиба, Зинченко (Томиясу, 75), Жоржиньо (Парти, 75), Эдегор, Райс, Троссард (Мартинелли, 46), Габриэль Жезус, Нкетиа (Ҳаверц, 75).

“Манчестер Сити”: Эдерсон, Уокер, Аке, Рубен Диаш, Гвардиол, Льюис (Стоунз, 68), Ковачич (Матеуш Нунеш, 68), Бернарду Сильва, Фоден, Ҳоланд, Альварес (Доку, 68).

Огоҳлантиришлар: Жоржиньо (11), Бернарду Сильва (23), Ковачич (29), Эдерсон (90), Габриэль Жезус (90).