Futbol bo‘yicha Yevro—2028 musobaqasi mezboni nomi aniq bo‘ldi.
UEFA matbuot xizmati Turkiya futbol federatsiyasi turnir mezboni bo‘lish uchun topshirgan arizasini qaytarib olganini ma’lum qildi. Shu tariqa musobaqa mezbonligi uchun Buyuk Britaniya va Irlandiyaning qo‘shma arizasi yagonaligicha qolgan.
Turkiya Italiya bilan birgalikda Yevro—2032 mezbonligi uchun qo‘shma ariza topshiradi. Ushbu turnirni o‘z uyida qabul qilish uchun ulardan boshqa nomzod hozircha yo‘q.
Ikkala turnir mezbonligi haqidagi qaror 10-oktabr kuni Nyon shahrida o‘tkaziladigan UEFA ijro qo‘mitasi yig‘ilishida e’lon qilinadi.
Eslatib o‘tamiz, Yevropa Chempionatining amaldagi chempioni Italiya terma jamoasi hisoblanadi. Yevro—2020 finalida Italiya Angliya terma jamoasini mag‘lub etgandi.
Izoh (0)