Mana 20 yildirki, “Alfa Invest sug‘urta kompaniyasi” AJ o‘z mijozlari va hamkorlari ko‘rsatgan yuksak ishonchni oqlab kelmoqda.
Asos solingandan lahzadan boshlab Alfa Invest kompaniyasi hayot, salomatlik yoki mulkka zarar yetkazish bilan bog‘liq bo‘lgan turli sohalarda va ko‘lamlarda kutilmagan moliyaviy yo‘qotishlardan fuqarolar hamda korxonalarni himoya qilib kelmoqda. Shuningdek, mazkur kompaniya yirik kompaniyalar va davlat korxonalarini ham himoyalash bo‘yicha o‘z xizmatlarini taqdim etmoqda.
Moliyaviy yo‘qotishlardan himoya qilishdek sug‘urtalashning bosh vazifasini amalga oshirgan holda, Alfa Invest mana 20 yil davomida 480 mingdan ziyod kompaniya va 3,5 million nafar aholini ishonchli sug‘urta qoplamasi bilan qamrab kelmoqda. Shu davr ichida 130 mlrd. so‘mdan ziyod sug‘urta tovonlari to‘lab berildi.
Bularning barchasi kompaniyaning barqaror moliyaviy ravnaqi, xatarlarni boshqarish mexanizmlarini takomillashtirilgani, sarmoya, anderrayting hamda qayta sug‘urtalash siyosati, shuningdek, zaxiralarni malakali shakllantira olgani tufayli amalga oshirildi.
Yildan yilga Alfa Invest sug‘urta portfeli ijobiy o‘sish dinamikasini namoyish etib bormoqda.
- Bugungi kunga kelib aktivlar hajmi 216,7 milliard so‘mni tashkil etdi.
- Sug‘urta zaxiralari 137,4 milliard so‘m miqdorida shakllantirilib,
- ustav kapitali 53,3 milliard so‘m darajasiga yetdi,
- buning sharofati bilan korxona o‘z moliyaviy barqarorligi hamda to‘lov qobiliyatini taʼminlab kelmoqda.
Kompaniyaning ijtimoiy oliy maqsadi.
Alfa Invest kompaniyasi faoliyati doirasida sug‘urtalashning ijtimoiy funksiyalari alohida o‘rin tutadi. Kompaniya qonun hujjatlarida ko‘zda tutilgan barcha turdagi majburiy va ixtiyoriy sug‘urta xizmatlarini amalga oshirish huquqiga egadir.
Alfa Invest komrpaniyasi 20 yil mobaynida turli xildagi faoliyatlar, kutilmagan tabiiy hodisalar, texnogen avariyalar, ofatlar, salbiy ijtimoiy vaziyatlar va holatlar oqibatida ko‘rilgan zararlarning amalda real qoplanishini taʼminlab kelmoqda, shuningdek, mamlakat iqtisodiy o‘sishi uchun zarur bo‘lgan ishonchli va barqaror iqtisodiy muhitni taʼminlab kelmoqda.
O‘sishning eng muhim omili — xalqaro hamkorlik.
Yetakchi xalqaro kompaniyalar va brokerlar bilan ko‘p yillik samarali hamkorlik natijasida, Alfa Invest kompaniyasi yirik sarmoyaviy va mulkiy xatarlarni qoplanishini taʼminlab kelmoqda. Xalqaro qayta sug‘urta bozorining 200 dan ziyod kompaniyalari “Alfa Invest sug‘urta kompaniyasi” AJning amaldagi va ishonchli hamkorlari hisoblanadilar.
Milliy sug‘urta bozorini rivojlanishga o‘z hissamizni qo‘shib kelmoqmiz
Kompaniya 20 yil mobaynida O‘zbekiston sug‘urta bozorini shakllantirish hamda rivojlantirishda faol ishtirok etib, sug‘urta xizmatlaridan foydalanish imkoniyatlarini va aholining sug‘urta savodxonligini oshiradi. O‘zbekiston Respublikasi hududida o‘nlab filiallarning ochilishi, shuningdek, butun mamlakat bo‘ylab keng agentlik tarmog‘ini tashkil etish sharofati bilan Alfa Invest kompaniyasi mingdan ziyod yuqori malakali sug‘urta mutaxassislarini tayyorlashga musharraf bo‘ldi, yuzlab ish o‘rinlarini yaratdi.
Sug‘urta sohasini isloh qilish bo‘yicha keng ko‘lamli dasturni amalga oshirish doirasida O‘zbekiston Respublikasi prezidenti Shavkat Mirziyoyev tomonidan yangi trendlar belgilab berildi hamda milliy sug‘urta bozorini, xususan, onlayn sug‘urta sohasini rivojlantirish va xalqaro sug‘urta bozorlariga chiqarish uchun misli ko‘rilmagan imkoniyatlar taqdim etildi.
Alfa Invest global hamkorlikni kengaytirish va qayta sug‘urtalash portfelining o‘stirish tashabbusi bilan chiqdi. Moodyʼs Investors Services Ltd. (Buyuk Britaniya) xalqaro reyting agentligi tomonidan “B2” darajasida “Barqaror” prognozli moliyaviy mustahkamlik xalqaro reytingiga erishish bu borada qilingan muhim qadamlardan biri bo‘ldi.
Raqamlashtirish rivojlanishning ajralmas qismi sifatida
Keyingi muhim qadam InsurTech yo‘nalishi bo‘ldi, uning doirasida “Alfa Invest sug‘urta kompaniyasi” AJ kompaniyaning texnologik va sarmoyaviy rivojlanishiga alohida eʼtibor qaratadi.
Mulk hamda avtomobilni sug‘urta qilish, tijorat va bank sug‘urtasi kabi sug‘urta biznesining anʼanaviy yo‘nalishlari raqamli texnologiyalarga yo‘naltirilgan yangi yechimlar bilan inqilob qilmoqda.
Alfa Invest mutaxassislari fikriga ko‘ra
- Kengaytirilgan tahlil (AA),
- onlayn- savdolar texnologiyalari,
- mashinali o‘rganish,
- Buyumlar interneti (IoT),
- Sunʼiy intellekt,
- virtual haqiqat (VR) yaqin kelajakda sug‘urta sanoatining asosini tashkil qiladi.
Yaqin kelajakdagi yil davomida kompaniya sug‘urta taʼminot zanjirlarini raqamlashtirishni amalga oshirishni va onlayn-sug‘urtaning to‘liq siklini joriy qilishni rejalashtirmoqda. Ayni damda ushbu yo‘nalish ustuvor hisoblanadi.
Izchil va bosqichma-bosqich rivojlanish, kompaniya barqarorligi va mavqeini mustahkamlash, shu bilan birga mijozlar ishonchi va hamkorlar hurmatini qozonish Alfa Invest kompaniyasining o‘ziga xos jihati sanaladi.
“Alfa Invest sug‘urta kompaniyasi” AJ sprintni emas, balki marafonni tanlaydi, jamoamiz o‘zi uchun nihoyatda uzoq masofani ko‘zlab oldi va biz mana 20 yil mobaynida ushbu masofa bo‘ylab barqaror hamda o‘zimizga kuchli ishonch bilan qadam bosib bormoqdamiz, doimo birinchi darajali natijalar va o‘rinlarni namoyish etib, biz bozorda o‘z mavqeimizni mustahkamlab bormoqdamiz, — deya taʼkidladilar kompaniyada.
Reklama huquqi asosida.
Izoh (0)