Arxitektorlar, dizaynerlar, loyihachilar, urbanistlar, jurnalistlar va talabalar 6-avgustgacha o‘z loyihalarini taqdim etishga ulguradilar. Mukofot jamg‘armasi – 215 mln so‘m, yaxshilarni esa Ukraina, Isroil, Ruminiya, Gruziya, O‘zbekiston vakillaridan iborat mustaqil xalqaro hay’at tanlaydi.
Me’mor//2023 – bu mustaqil arxitektura ko‘rik-tanlovi bo‘lib, O‘zbekistonda uchinchi marta o‘tkazilmoqda. Tashkilotchi – KNAUF kompaniyasi, u qurilish sohasida ijodkorlik va innovatsiyani qo‘llab-quvvatlash, shuningdek sohadagi iqtidorli mutaxassislarni rag‘batlantirishga intiladi.
Tanlov birinchi marta 2019-yilda o‘tkazilgan va o‘shandan buyon KNAUF har ikki yilda O‘zbekistonga obro‘li xalqaro hay’atni taklif etadi, mukofot jamg‘armasini ajratadi va butun respublika bo‘ylab arzirli loyihalarni qabul qiladi. Bu yil ularning qabuli 6-avgustgacha davom etadi.
“Me’mor” – respublika miqyosidagi muhim professional voqyea. Ko‘rik-tanlov O‘zbekiston zamonaviy arxitekturasining bugungi holati to‘g‘risida tasavvurni shakllantiradi, soha mutaxassislariga bir-birlarining ishlari bilan tanishish va manfaatli aloqalar o‘rnatishda yordam beradi.
“Me'mor” ko‘rik-tanlovi – bu dunyoning yanada qulay, ekologik toza va yashash uchun yoqimli qilish sari qo‘yilgan yana bir qadam. Iqtidorli mutaxassislarni taqdirlash orqali biz ularni ijodni davom ettirishga rag‘batlantiramiz, shuningdek jamoatchilik e'tiborini qiziqarli va samarali yechimlarga qaratamiz.
Biz O‘zbekiston arxitektorlari va urbanistlari munosib e'tirofga ega bo‘lishlarini istaymiz. Shaharlarimizning tashqi qiyofasi va infratuzilmasi ularning qanchalik ruhlanganligiga bog‘liq”, — qayd etdi O‘zbekistondagi KNAUF korxonalari rahbari Dmitriy Deripalko.
An'anaga ko‘ra, g‘oliblarni xalqaro hay'at aniqlaydi. 2019-yilda buning uchun Toshkentda Ispaniya, Rossiya, Ukraina, Gruziya, O‘zbekiston arxitektorlari yig‘ildilar. 2021-yilda Isroil, Rossiya, Ukraina, Niderlandiya, O‘zbekiston vakillari qatnashdi. Bu yil hakamlar geografiyasi Ukraina, Isroil, Ruminiya, Gruziya, O‘zbekistonni qamrab oldi. Barcha ishlar shifrlangan va hay'at loyiha mualliflari haqidagi axborotni bila olmaydi.
“Arxitektura tanlovi hay'atini tanlashda shaxsiy yutuqlarga alohida e'tibor berildi. O‘zbekiston, Ukraina, Ruminiya, Isroil, Gruziya arxitektura uyushmalarining mas’uliyatli vakillari O‘zbekistonda uchrashadilar, ular o‘zaro amalda tanish emaslar. Ular g‘alabalarni aniqlashda maksimal shaffof, halol va professional bahoni ta'minlaydilar”,- deydi Me’mor//2023 koordinatori Nataliya Xilko (Ukraina).
Me’mor//2023 tanlov toifalarining ko‘pligi bilan ajralib turadi, bu g‘alaba qozonish imkoniyatlarini oshiradi. Bundan tashqari, bu yil tashkilotchilar barcha nominatsiyalarni “Bitgan obyekt” va “Loyiha” guruhiga taqsimladi.
Tanlovning qo‘shimcha afzalliklari shundaki, u soha OTMlari talabalari va jurnalistlar uchun ham ochiqdir. KNAUF kompaniyasi nafaqat faoliyat yuritayotgan, balki bo‘lajak soha mutaxassislarini, shuningdek arxitektura va urbanistika mavzularini yoritadigan jurnalistlarni ham rag‘batlantirishga intiladi.
“Me'mor” mukofot jamg‘armasi yildan-yilga o‘smoqda: 2019-yilda u 119 mln so‘m bo‘lgandi, 2021-yilda – 160 mln so‘m. Bu yil uning hajmi 215 mln so‘mni tashkil qildi. Nominatsiya sovrindorlari 8-10 mln so‘mdan oladilar. Tanlov yakunlariga ko‘ra yagona g‘olib jurnalist aniqlanadi, u 8 mln so‘m oladi.
G‘oliblarni taqdirlash tantanali marosimi sentyabrda Toshkentda o‘tkaziladi. Saralangan loyihalar KNAUF kompaniyasi tomonidan taqdirlash kuni tashkil etiladigan ko‘rgazmada namoyish etiladi.
Agar tanishlaringiz orasida arxitektor, dizayner, jurnalist, soha OTMda tahsil oladigan talabalar bo‘lsa, III Me’mor//2023 arxitektura tanloviga loyiha topshirishni ularga tavsiya qiling. Bu tanlov yangi ufqlar va karyera imkoniyatlarini ochadi.
Saytda memorcontest.uz Me’mor//2023 haqida ko‘proq ma'lumot olish va loyihani taqdim etish mumkin.
KNAUF – O‘zbekistonda!
KNAUF – oilaviy biznes tamoyillariga asoslangan va faoliyatining global ko‘lamda ekaniga qaramay, ushbu qadriyatlarni saqlab qola olgan xalqaro kompaniya. Bugungi kunda KNAUF xalqaro guruhi dunyodagi yirik qurilish materiallari ishlab chiqaruvchilardan biri sanaladi.
KNAUF guruhining O‘zbekistonga investisiyalari umumiy hajmi 100 mln yevrodan oshadi.
Mamlakatda 3 ta zavod ishlamoqda:
- “KNAUF GIPS BUXORO” MChJ XK (Buxoro viloyatidagi zavod);
- “KNAUF GIPS BUXORO” MChJ XK (Farg‘ona viloyatidagi zavod);
- “BUXOROGIPS” AJ QK (Buxoro viloyatidagi zavod).
Uchta zavodning yalpi ishlab chiqarish quvvati yiliga 260 ming tonna quruq gips qorishmalari va 55 mln kv/m gips plitani tashkil qiladi.
Reklama huquqi asosida.
Izoh (0)