ФИФА Саудия Арабистонининг “Ан-Насср” жамоасига трансфер тақиқини қўйди.
Журналист Бен Жейкобснинг маълум қилишича, “Ан-Насср” “Лестер”га Аҳмад Муса учун бонусларни тўлаб бермагани учун ташкилот томонидан трансферларни амалга ошириш тақиқланган.
Саудия клубида ўйнаб юрган Муса ўйин даражаси билан боғлиқ бўлган 460 минг евро бонусни фаоллаштирган. Бироқ, CAS инглиз клуби фойдасига қарор чиқарган бўлса-да, саудияликлар ушбу пулларни “тулкилар” ҳисобига ўтказиб бермаган.
Португалиялик футболчи Криштиану Роналду тўп сураётган “Ан-Насср” жамоаси ёзда “Интер” ярим ҳимоячиси Марсело Брозовични ўз сафига қўшиб олганди.
Эслатиб ўтамиз, нигериялик ҳужумчи Аҳмад Муса 2018 йилда “Лестер” сафидан “Ан-Насср”га ўтган эди. Футболчи Саудия клуби таркибида 2020 йилга қадар тўп сурган ва шундан сўнг “Кано Пилларс” сафига ўтиб кетганди.
Изоҳ (0)