Shunday mahoratli aktyor va aktrisalar borki, birgina filmda yorqin rol ijro etgach ekranlardan g‘oyib bo‘lishadi. Ammo ularning sodiq muxlislari hali hanuz ularni kutishadi, sog‘inishadi.
Marion Kotiyar
Marion Kotiyarning aktrisalik karyerasi teatrdagi spektakl va teleseriallardagi kichik rollardan boshlangan. “Taksi” filmi yosh aktrisa uchun haqiqiy yutuq bo‘lib, uni bir zumda mashhur qildi. Shundan so‘ng Marion Gollivudga ko‘chib o‘tib, inglizcha filmlarda rol o‘ynay boshladi. Bu uni aqlbovar qilmaydigan muvaffaqiyatga olib keldi: Edit Piaf hayoti haqidagi “Pushtirang hayot” filmi uchun (2007) aktrisa “Sezar”, “Oltin globus” va “Oskar” mukofotlarini qo‘lga kiritdi. Marion nafaqat filmlarda rol o‘ynagan, balki ko‘plab multfilmlarga ovoz bergan, shuningdek, bir nechta qo‘shiq va saundtreklarni chiqargan.
Qiziq tomoni, go‘zal yuzi butun dunyo bo‘ylab 300 dan ortiq jurnallarni bezatgan ayol birorta ham erkakning qonuniy rafiqasi bo‘la olmagan. Marion Kotiyar uzoq yillar davomida do‘sti bo‘lgan rejissor va aktyor Giyom Kane bilan uchrashadi — ularning ikki nafar farzandi bor.
Metyu Lillard
“Qichqiriq” va “Skubi Du” filmlarining yulduzi 90-yillarda mashhur bo‘lgan, 2000-yillarda ko‘p rol o‘ynagan, ammo so‘nggi paytlarda u asosan dramatik va kriminal seriallarda ishtirok etmoqda.
Nikki Rid
“Sumerki” sagasidan beri aktrisaning karyerasida yorqin loyihalar bo‘lmagan, ammo Nikkining eng yaxshi roli hali oldindadir ehtimol. Ayni paytda u jonivorlar huquqlarini faol himoya qiladi va ko‘ngilli sifatida ishlaydi.
Sami Naseri
Aktyor “Taksi” filmining 3 ta qismida ham rol o‘ynab, dunyoga mashhur bo‘ldi, hatto 2006-yilda Kann kinofestivalida “Eng yaxshi aktyor” nominatsiyasida mukofot oldi. Ammo shon-shuhrat va muvaffaqiyat unga baxt keltirmadi. Sami Naseri o‘zining janjalli xatti-harakati tufayli bir necha bor qonun bilan muammoga duch keldi.
Shunga qaramay, aktyor filmlarda rol o‘ynashda davom etmoqda, xususan, 2021-yilda u “Qutqaruvchi” filmida paydo bo‘ldi. Hozirda shaxsiy hayoti ham ko‘ngildagidek: 2005-yilda u “Beshinchi element” va “O‘zga sayyoraliklar-2” filmlarida kichik rollarni ijro etgan aktrisa Mari Gilardga uylangan.
Mett Leblan
Mett “Do‘stlar”da Joui Tribbiani rolini o‘ynab, butun dunyoga mashhur bo‘ldi. Ammo 2000-yillarda u tanaffus olishga qaror qiladi. Dastlab Leblan avtomobillarga bag‘ishlangan mashhur Top Gear teleko‘rsatuviga boshlovchilik qilgan, keyinchalik o‘zini ommaga tanitgan sitkomda o‘ynaydi.
Emma Viklund
“Taksi” filmida Emiliyen go‘zal Petra oldida pakanadek ko‘rinadi, lekin aslida aktyorlarning bo‘y farqi unchalik katta emas: Frederik Diefentalning bo‘yi 171 sm bo‘lsa, Emma Viklundniki 177 sm.
Shvetsiyalik bu ko‘k ko‘zli mallasoch filmda suratga tushishdan oldin model sifatida ajoyib karyera qilgan va Elle jurnalining bir nechta muqovalarida paydo bo‘lgan. Hozir u shved jurnalistiga turmushga chiqqan — er-xotinning ikki farzandi bor.
Frederik Diefental
Frederik Diefental omadi yurishmagan politsiyachi Emiliyen rolini o‘ynagunga qadar turli faoliyat bilan shug‘ullangan: u qandolatchiga shogird tushgan, arxitektura, sartaroshlik va mehmonxona biznesini o‘rgangan. Aktyor “Taksi” filmining 4 ta qismida ham rol o‘ynagan, oxirgi marta 2022-yilda Fransiyaning “Neige” kriminal serialida bosh rolda suratga tushgan.
Aktyor oila qurgan — uch farzandi bor. U mehribon ota sifatida bolalari bilan ko‘p vaqt o‘tkazadi va ularning zavqlanishi uchun asalari Mayyaning shoxchalarini kiyib, hazil qilishdan uyalmaydi.
Liv Tayler
Tayler “Armageddon” dramasidagi Greys va “Uzuklar hukmdori” trilogiyasidagi elf Arven rollari bilan dunyoga mashhur bo‘ldi. Aktrisaning so‘nggi asosiy filmlari orasida u Bred Pitt bilan birga rol o‘ynagan “Yulduzlarga” ilmiy-fantastik filmidagi roli ham bor. Bo‘sh vaqtlarida Liv uch nafar farzandini tarbiyalaydi va xayriya ishlari bilan shug‘ullanadi.
Jek Glison
Irlandiyalik aktyor “Taxtlar o‘yini” teleserialida Joffri Barateon rolini o‘ynagan. Ijobiy jihati shundaki, Jek yaqinda o‘zining uzoq yillik sevgilisi Roysin Maxoni bilan kamtarona to‘y qilib turmush qurdi.
Jan-Kristof Buve
Jan-Kristof Buvetning aktyorlik kasbiga kirishi tasodifan bo‘lmagan: uning onasi Polett Buve ham mashhur aktrisa edi. Aktyor “Taksi” filmining 2, 3 va 4-qismlarida rol o‘ynagan, shuningdek, 2006-yilda “Mari Antuanetta” filmida gersog de Shuazel rolini ijro etgan. Buve 20-Belfort kinofestivalida hakamlar hay’ati a’zosi bo‘lgan va hanuzgacha filmlarda rol o‘ynashda davom etmoqda, xususan, 2020-yilda “Emili Parijda” teleserialida suratga tushgan.
Ketrin Zeta-Jons
Chiroyli va mashhur, turli mukofotlar, shu jumladan “Oskar” sovrindori Ketrin deyarli aktrisalikni to‘xtatdi. Ba’zan u faqat qiziqarli rollarni tanlash orqali muxlislarni xursand qiladi. Misol uchun, u so‘nggi marta “Uenzdey” filmida rol o‘ynadi. Hozirda aktrisa xayriya ishlarida faol ishtirok etadi va o‘zining uy bezatish mahsulotlarini ishlab chiqarishni yo‘lga qo‘ygan.
Izoh (0)