Buxoro viloyati hokimi Botir Zaripov viloyatdagi qator tuman hokimlarini qattiq ogohlantirdi. Hokim tegishli farmoyishi “E-qaror.gov.uz” portaliga joylashtirilgan.
Qayd etilishicha, Buxoro shahar hokimi J.Nosirov, Kogon shahar hokimi H.Davlatov, Jondor tumani hokimi S.Hikmatov, Kogon tumani hokimi M.Esanov, Peshku tumani hokimi V.Qahhorov, Olot tumani hokimi N.Nematova, Shofirkon tumani hokimi A.Fayzulloyev hamda Qorako‘l tumani hokimi X.Toxirov tadbirkorlar, aholi xonadonlari va ijtimoiy obyektlarda quyosh panellar o‘rnatish bo‘yicha belgilangan vazifalarning bajarilishini ta’minlashda oqsoqlikka yo‘l qo‘ygan.
Hisob palatasining topshiriq xatida qayd etilgan kamchiliklarga yo‘l qo‘ygan Buxoro, Kogon shaharlari hokimlari, shuningdek, Olot, Shofirkon, Qorako‘l va Peshku tumanlari hokimlari qattiq ogohlantirildi.
2023-yil 1-iyulgacha yuqorida nomlari qayd etib o‘tilgan hokimlar tomonidan belgilangan ko‘rsatkichlar ijrosi ta’minlanmagan taqdirda ularga nisbatan intizomiy choralar qo‘llaniladi.
Shuningdek, viloyat hokimi o‘rinbosarlari J.Tursunov, N.Hamdamov, R.Asadov, A.Nazarov ham prezidentning qayta tiklanuvchi energiya manbalarini va energiya tejovchi texnologiyalarni joriy etishni jadlashtirishga oid qarori ijrosini tashkil etishda yo‘l qo‘ygan kamchiliklari uchun ogohlantirildi.
Izoh (0)