“AQSHning O‘zbekistonda harbiy bazasi yo‘q va kelgusida ham bu yerda harbiy baza yaratish bo‘yicha reja yo‘q” — elchi Jonatan Xenik

AQSHning O‘zbekistondagi elchisi Jonatan Xenik “Daryo”ga bergan intervyusida Amerikaning O‘zbekistonda harbiy bazalari yo‘qligi va kelgusida harbiy baza qurish rejasi ham yo‘qligini ma’lum qildi.

“Hozir na O‘zbekistonda, na Markaziy Osiyoning biror joyida harbiy bazalarimiz yo‘q, shu bilan birga, doimiy harbiy baza yaratish bo‘yicha rejamiz ham yo‘q.

Biz Markaziy Osiyoning barcha hukumatlari, jumladan, O‘zbekiston bilan harbiy xavfsizlik sohasida juda yaxshi hamkorlik qilamiz, chunki biz ba’zi umumiy tahdidlarga duch kelamiz. Afg‘onistondan terror tahdidi kelib turibdi. Giyohvand moddalar, uyushgan jinoyatchilik xavfi mavjud. Barcha davlatlar, jumladan, O‘zbekiston ham, menimcha, o‘z chegaralari xavfsizligidan xavotirda.

Shunday qilib, harbiy hamkorlik bo‘yicha qator dasturlarimiz bor, qo‘shma mashg‘ulotlar o‘tkazamiz – bularning barchasi ishonchli xavfsizlik va tinchlik barqarorligiga qaratilgan.

Ishonchim komilki, biz bunga qarshi kurashamiz. Ular milliy chegaralar haqida qayg‘urmaydi, agar biz birgalikda harakat qilmasak, bunga qarshi kurashib bo‘lmaydi”, — dedi elchi.