Falastindagi hayvonot bog‘ida sher olti yoshli bolani g‘ajib tashladi

Falastinda hayvonot bog‘iga tashrif buyurgan olti yoshli bolani sher g‘ajib tashladi. Bu haqda Daily Mail xabar berdi.

Ma’lum qilinishicha, bola hayvonot bog‘iga oilasi bilan kelgan, politsiya voqea yuz berganini tasdiqlagan. Bola qafasga juda yaqin kelganida sher uni tishlari bilan ushlab olgan. Bundan tashqari, bola xavfsizlik qoidalarini buzgani va to‘siqdan oshib o‘tishga uringani aytilmoqda, marhumning oilasi esa buni rad etgan.

Hozirda hayvonot bog‘i yopilgan, tergov ishlari olib borilmoqda. OAV maʼlumotlariga ko‘ra, bu hududda hayvonot bog‘ida saqlanadigan hayvonlarning odam o‘limiga sabab bo‘lishi bilan bog‘liq birinchi holat. Hodisa ortidan hayvonot bog‘larini yopish bo‘yicha chaqiriqlar yangragan.