O‘zbekistonda Kia EV6 elektr krossoverining sotuvlari boshlangani e’lon qilindi

• Kia brendining birinchi EV 6 elektr krossoveri O'zbekistonda ikki komplektatsiyada taqdim etiladi: orqa privodli va standart tortuv batareyasiga ega komplektatsiyada yoki to'liq privodli va kattaroq hajmli batareyaga ega komplektatsiyada
• Yangi E-GMP platformasi tufayli Kia EV6, real sharoitlardagi uzoqroq yurilish masofasi zaxirasining va ultra tez zaryadlanish texnologiyalarning foydali uyg‘unligini taklif etadi
• EV6 uchun narxlar 699 900 000 so'mdan boshlanadi

Kia’ning  O'zbekistondagi rasmiy distribyutori bo‘lgan Roodell kompaniyasi, mamlakatda to'liq elektrik bo‘lgan Kia EV6 krossoveri sotuvlari boshlaganini e'lon qildi. Kia’ning tarixida hali o'xshashi bo‘lmagan, ilk, an'anaviy yoki gibrid harakatlanish manbayiga ega bo’lgan model, ikki – Air va GT-Line komplektatsiyalarda – 699 900 000,  699 900 000 so‘mdan 899,900,000 so‘mgacha bo'lgan narxlarda taqdim etilmoqda.

EV6, yuqori texnologik va faqatgina elektromobillar uchun mo'ljallangan Kia’ning 800 Voltli kuchlanish ostida ultra tez zaryadlanish imkonini ta’minlovchi E-GMP global modulli platformasi asosida ishlab chiqilgandir. Modelning dizayni yangi “Qarama-qarshiliklar uyg‘unligi” firma falsafasi tamoyillariga muvofiq amalga oshirilgan. EV6 qiyofasi ajoyib stilistik elementlar va skulptur shakllarni mujassamlashtirib, interyeri odmi va yuqori texnologikdir. Yangi platformaning afzalliklari bo’lgan, polga o'rnatilgan yassi batareya va katta g'ildiraklar bazasi (2900 mm) – o‘z klassidagi  eng zo‘r ichki makonni taklif qilish imkoniyatini yaratdi.

O'zbekistonda KIA EV6 ikki versiyada taqdim etiladi: bitta (quvvati 170 ot kuchi, aylantirish momenti 350 Nm) elektr motorga va 58 kVt*soat energiya zaxirasi bo'lgan tortuv batareyasiga ega, orqa o'qqa ulangan privodli versiyada yoki umumiy quvvati 325 ot kuchiga qadar bo‘lgan, aylantirish momenti 605 Nm ga teng ikkita elektr motorga (har bir o'q uchun bittadan) hamda oshirilgan hajmli batareya (77,4 kVt*soat)ga ega versiyada. Bunday batareyalar 500 km dan ortiq yurish masofasi zaxirasini ta'minlaydilar. Kuchliroq bo’lgan versiyadagi EV6, 100 km/soat tezlikka 5,2 soniya ichida tezlasha oladi. Ultra tez zaryadlanish imkoniyati tortuv batareyasini 18 daqiqada 10 foizdan 80 foizgacha zaryadlash imkonini beradi.

Boshlang'ich Air komplektatsiyasi 699 900 000 so‘m narxda taklif etiladi. Ushbu komplektatsiyaning o‘zidayoq, yuqori texnologik elektr krossover ajoyib zamonaviy jihozlanishga ega. Avtomobilga adaptiv proektsion matritsali LED-faralar, yorug‘likdiodli kunduzgi yurish chiroqlari (LED DRL), ko’zgular korpusidagi burilish signallari takrorlagichlari, orqa spoylerda joylashtirilgan LED stop-signallar takrorlagichiga ega to'liq yorug‘likdiodli orqa chiroqlar va yorug‘likdiodli orqa tumanga qarshi chiroqlar o'rnatilgan. EV6 Air yengil qotishmadan tayyorlanuvchi diskli, shinalari o'lchami 235/55R19 bo’lgan, 19” o‘lchamdagi g‘ildiraklar bilan jihozlanadi. Elektromobil shinalarni ta'mirlash to'plami bilan jihozlanadi.

O'rindiqlarda eko-charmli qoplamga, ko'p funksiyali rul chambaragi charm qoplamaga ega bo‘ladi. Haydovchi va old yo'lovchi o'rindiqlari pozitsiyani sozlash va bel tayanchi uchun elektroprivodlari bilan jihozlangan, haydovchi o'rindig'i uchun sozlamalar xotirasi funktsiyasi mavjuddir. Orqa o'rindiqlarning ort qismlari 60:40 nisbatida (shu jumladan, yukxona tomondan masofaviy ravishda) buklanadilar, yukxonada qo'shimcha yoritish va bagajni yashiradigan parda mavjud. Tomda elektrprivodli lyuk o'rnatilgan. Old o'rindiqlarning o'rtasida joylashtirilgan stakan ushlagichlari bo'lgan markaziy tirsak tayanchi nazarda tutilgan. Yorug’likdiodli yoritilish salon ichida qo'shimcha shinamlikni yaratadi. Eshik ostonalari metall qoplamalar bilan bezatilgan.

Qulaylik optsiyalarining keng to'plami taklif etiladi. Elektromobilda Autohold funksiyasiga ega EPB elektr to'xtab turish tormozi, Drive Mode Select harakatlanish rejimini tanlash tizimi hamda  transmissiyaning elektron selektori mavjud, shu bilan birga, haydovchi qulay rul osti "yaproqchalari" yordamida ham uzatmalarni o‘zgartirishi mumkin. Rul ustuni balandligi bo'yicha va chiqarilishi bo'yicha sozlanishi mumkin, rul elektrkuchaytirgich bilan jihozlangan.

Salondagi ortni kuzatish ko'zgusi ECM texnologiyasi asosida – avtomatik ravishda hiralashtiriluvchi tarzda ishlab chiqilgan. Barcha oynako’targichlarda Auto funksiyasiga ega elektr privodlari, isitiladigan yon ko’zgularda esa – sozlash va buklash uchun elektr privodlari mavjud. Old va orqa oynalarning laminatsiyalanganligi va shovqinlardan izolyatsiyalanganligi, salon ichidagi qo'shimcha qulaylikni ta'minlanadi.

Kia EV6 Air’ga ikki zonali avtomatik iqlim nazorati tizimi va salonning qo'shimcha isitgichi o'rnatilgan, ikkinchi qatordagi yo'lovchilar uchun alohida havoyetkazgichlar deflektorlari mavjuddir. “Issiq optsiyalar" firma to’plami, old va orqa o'rindiqlar isitilishini, rulni isitishni o'z ichiga oladi.

Markaziy qulfni kalitdan masofaviy boshqarish imkoniyati mavjud, shuningdek avtomobil, tugmachani bosish orqali dvigatelni ishga tushiruvchi Smart Key kalitsiz kirish tizimi bilan ham jihozlanadi. Yorug'lik va yomg'ir datchiklari, orqa parkovka datchiklari va dinamik to'xtash chiziqlariga ega bo’lgan ortni kuzatish kamerasi o'rnatiladi.

Kia EV6 TFT 12,3” diagonali  rangli TFT displeyli qurilmalar paneli va huddi shunday diagonali displeyli multimedia tizimi bilan jihozlangan – displeylar salon dizaynining eng ajoyib elementlaridan biri bo'lgan, panoramali, birlashtirilgan ekranni hosil qiladilar. Mobil qurilmalarni ulash uchun Bluetooth moduli, markaziy konsolda mobil qurilmalarni zaryadlash uchun USB-ulagichi va ikkinchi qator yo'lovchilarining mobil qurilmalarini ulash uchun huddi shunday formatdagi ikkita ulagich mavjud.

Mijozlar xavfsizligi Kia uchun eng ustuvor vazifa bo'lib, EV6 xavfsizlik qurilmalarining keng to’plamini taklif etadi. Standart komplektatsiya, tormoz blokirovkasiga qarshi tizim (ABS), yo'nalish barqarorligi tizimi (ESC), shinalar bosimini nazorat qilish tizimi (TPMS), tepalikga harakatlanish assistentlari, qo'l orqali amalga oshiriluvchi tezlik  cheklovi (MSLA), 7 ta xavfsizlik yostiqchasi, 2-qatordagi bolalar o'rindiqlari uchun ISOFIX mahkamlagichlari, Immobilayzer, orqa qatordagi yo'lovchilar haqida eslatuv(ROA) kiradi. Air komplektatsiya uchun, Drive Wise yuqori texnologik xavfsizlik va haydovchiga ko’maklashish tizimlar to'plami quyidagilarni o'z ichiga ladi: Stop&Go funksiyasiga ega adaptiv kruiz-nazorati (SCC), qayta to'qnashuvning oldini olish tizimi (MCB), ko'rinmas zona tomonidan to'qnashuvning oldini olish tizimi (BCA), yo’l bo'lagidan chiqishni oldini olish tizimi (LKA) va yo’l bo'lagida harakatlanish assistent (LFA), frontal to'qnashuvning oldini olish tizimi (FCA, tahlil qilish darajasi – avtomobillar/piyodalar/velosipedchilar), Chorrahada burilish paytida to'qnashuvning oldini olish funktsiyasi bilan frontal to'qnashuvning oldini olish tizimi (FCA, Junction Turning).

GT Line komplektatsiyasi 899 900 000 so'm narxda taklif etiladi. Tashqi tomondan, u bamperlarning dizayni, Continental shinali (shinalar o'lchami 255/45r20), quyma disklarga ega 20-dyuymli g'ildiraklar, kuzov rangiga bo'yalgan g'ildiraklar arkalari bilan farqlanadi. Salondagi farqlar – bu kesiq shakldagi gardishli sport uslubidagi rul chambaragi, old panel va markaziy tirsak tayanchining zamonaviy ekologik toza GEONIC materiali bilan bezatilganligi, zamsh bilan bezalgan o'rindiqlardir.

Air komplektatsiyasining jihozlanishiga qo’shimcha ravishda, GT-Line uchun chiqariladigan elektrprivodli eshik tutqichlari, pedallardagi alyuminiydan qoplamalar, sensorli tugmalarga ega markaziy tirsak tirgak-konsoli, salonning "atmosfera"li yoritilish tizimi, yukxonada yukni mahkamlash uchun qo'shimcha to'r taklif etiladi. Yukxonaning eshigi elektrprivod va balandlik bo’yicha sozlauvchi intellektual ochilish tizimi bilan jihozlanadi. Old o'rindiqlarni shamollatish va ular uchun qo'shimcha Relaxation Seat  dam olish rejimi  ko’zda tutilgan. Kia EV6 GT-Line da proektsion displey, 4 kamerali aylanasiga ko'rish tizimi (SVM) va faol tovushli kuzatuv tizimi (ASD), shuningdek, premium toifadagi Meridian akustika tizimi o’rnatiladi.

Drive Wise to'plamiga qo'shimcha ravishda, to'xtash joyidan ort bilan chiqishda to'qnashuvining oldini olish tizimi (PCA), parkovkalash jarayonini masofadan boshqarish assistenti (RSPA), chorrahada burilish va ko'ndalang harakat paytida to'qnashuv haqida ogohlantirish funktsiyasiga ega frontal to'qnashuvning oldini olish tizimi (FCA, Junction Turning / Crossing), qurilmalar panelida aks etirilishi bilan, ko'rinmas zonalarni nazorati kameralari(BVM) kiritiladi. Orqa eshiklardagi "Bolalar qulfi" elektr privodga ega. Shuningdek, ushbu versiyada elektr energiyasining tashqi iste'molchilarini avtomobilga ulash imkoniyati (V2L, Vehicle-to-Load) mavjud.

O'zbekistonda Kia EV6  zavod kafolati bilan ta'minlangan – 5 yil yoki 150 000 km masofaga yurishga. EV6 va brendning qatoridagi qolgan boshqa modellar haqidagi batafsil ma'lumotlarni Kianing O'zbekiston hududidagi rasmiy dilerlik markazlaridan olish mumkin.

Telefon: 1333.
Sayt
Telegram

Instagram

Reklama huquqi asosida.