Ispaniya Kubogi. “Barselona” avtogol evaziga “Real”ni mag‘lub etdi

Futbol bo‘yicha Ispaniya Kubogining yarim final dastlabki bahsida “Real” 2-mart, payshanba kuni “Barselona”ni qabul qildi.

Uchrashuvning dastlabki qismida madridliklar faolroq harakat qildi. Biroq birinchi bo‘lib hisobni ochish katalonlarga nasib etdi. Uchrashuvning 26-daqiqasida Eder Militao o‘z darvozasini ishg‘ol qilib qo‘ydi.

Tanaffusga qadar va ikkinchi bo‘limda ustunlik mezbonlar tomonida bo‘ldi. Ammo madridliklar raqib darvozasi tomon yo‘l topa olmadi.

Ushbu jamoalar o‘rtasidagi javob o‘yini 5-aprel kuni bo‘lib o‘tadi.

Ispaniya Kubogi

Yarim final, dastlabki bahs

2-mart, payshanba

“Real Madrid” — “Barselona” 0:1

Gol: 0:1 – 26, avtogol Militao.

“Real Madrid”: Kurtua, Karvaxal, Ryudiger, Militao, Nacho (Rodrigo, 67), Modrich (Rodriges, 84), Kroos (Tchuameni, 74), Valverde, Kamavinga, Benzema, Vinisius Junior.

“Barselona”: ter Shtegen, Arauxo, Alonso, Kunde, Balde, Buskets, Kessie (Serxi Roberto, 86), de Yong, Gavi, Rafinya (Fati, 69), Ferran Torres.

Ogohlantirishlar: Vinisius Junior (24), Rafinya (45), Gavi (51), Nacho (55), Kessie (66), Valverde (73).