Quloqqa kamfora yog‘ini tomizish mumkinmi? Sog‘lig‘ingizga ziyon yetkazmaslik uchun bu qanday bajariladi, quyida batafsil bilib oling, deb yozadi Wday nashri.
Quloqlar uchun kamfora yog‘i: yaxshi yoki yomon?
Kamfora yog‘i mahalliy qizdirish xususiyatini beruvchi taʼsirga asoslangan. Qon tomirlarni kengaytiradi va kamfora surilgan hududda qon aylanishini faollashtiradi, bu yallig‘lanishni bartaraf etishga yordam beradi.
Kamfora yog‘i bakterial tabiat bilan yallig‘langan quloq og‘rig‘ida muhim bo‘lgan antiseptik taʼsirga ega.
Quloq kanalida qichishish, tortuvchan og‘riq kabi otit (quloq yallig‘lanishi) belgilari paydo bo‘lganda kamfora yog‘ini qo‘llash tavsiya etiladi. Quloqlar uchun kamfora yog‘i sizga yoqimsiz simptomlardan xalos bo‘lish va tiklanishni tezlashtirish imkonini beradi. Ammo bu shifo emasligini bilish muhimdir.
Ushbu vositadan faqat yallig‘lanish sabablarini aniqlagandan so‘ng shifokor tomonidan tayinlangan terapiyaga qo‘shimcha sifatida foydalanishingiz mumkin. Agar kasallik infeksiyadan kelib chiqqan bo‘lsa, asoratlarni oldini olish uchun shifokor nazorati ostida antibiotiklar bilan davolash kerak.
Quloqlar uchun kamfora yog‘idan foydalanish
Yog‘ni qo‘llash usuli maʼlum bir kasallik kursining xususiyatlariga bog‘liq.
Tashqi yallig‘lanish bilan, eshitish o‘zgarishlari kuzatilmasa, kamfora moyi ishlatiladi, yaʼni quloqqa tomiziladi. Batareya yoki issiq suvda tana haroratiga qadar isitiladi. Bemorning og‘riyotgan qulog‘ini yuqoriga qo‘yib, ichiga 2-3 tomchi moy tomizish kerak, bu holatda biroz yotish tavsiya etiladi. Jarayonni kuniga 2-3 marta takrorlash lozim. Agar otit burun bitishi va burun yo‘llari bilan birga kechayotgan bo‘lsa, bu usul to‘g‘ri kelmaydi.
Agar shifokor o‘rta quloqning yallig‘lanishini aniqlagan bo‘lsa, dori terapiyasidan tashqari, kamfora yog‘i bilan tamponlar qo‘llaniladi. Ular 3-5 soat davomida yallig‘langan quloqqa joylashtiriladi, yuqoridan izolyatsiya qilinadi.
Agar eshitish buzilishi qayd etilsa, bu kasallikning og‘ir yo‘lini ko‘rsatadi, bemor imkon qadar tezroq shifokor bilan maslahatlashishi kerak. Bunday qiyin vaziyatlarni davolashdan tashqari, kamfora yog‘i bilan quloqlar uchun kompressdan foydalanishingiz mumkin. U og‘rigan quloqqa issiq qilib o‘raladi va bir kecha qoldiriladi. Muolajani har kuni takrorlash lozim.
Kamfora yog‘ini yallig‘langan quloqdagi terining shikastlanishi, undan yiringli oqindi kelayotgan vaqtda ishlatish mumkin emas. 2 yoshgacha bo‘lgan bolalarga bunday choralarni qo‘llash taqiqlanadi va barcha usullar pediatr tavsiyasi bilan o‘tkazilishi lozim. Sog‘lig‘ingizga vaqtida g‘amxo‘rlik qilish sizni ko‘p yillar davomida o‘tkir eshitishingizni taʼminlaydi.
Mavzuga doir:
Izoh (0)