Sirdaryo viloyati Xovos tumanidagi elektr podstansiyasida 2-fevral kuni yong‘in chiqdi. Bu haqda viloyat Favqulodda vaziyatlar boshqarmasi axborot xizmati xabar berdi.
Qayd etilishicha, soat 15:25 da “Mustaqillik” mahallasida joylashgan elektr podstansiyasining 30 kvadrat/metr maydondagi xona ichidagi yopiq elektr qurilmasida yong‘in sodir bo‘lgan.
Hodisa joyiga 2 ta yong‘in-qutqaruv ekipaji soat 15:37 da yetib borib, yong‘in soat 15:55 da to‘liq o‘chirilgan. Hodisa oqibatida hech kim jarohat olmagan. Yong‘in sababi va moddiy zarar miqdori aniqlanmoqda.
Mavzuga doir:
Izoh (0)