Angliya Liga Kubogi. “Manchester Yunayted” “Nottingem Forest” ustidan javob o‘yinida ham ishonchli hisobda g‘alaba qozonib, finalga yo‘l oldi
Futbol bo‘yicha Angliya Liga Kubogining yarim finalida “Manchester Yunayted” 1-fevral, chorshanba kuni “Nottingem Forest”ga qarshi bahs olib bordi.
Uchrashuvning birinchi bo‘limida darvozalar daxlsizligi saqlanib qoldi. Biroq ikkinchi bo‘limda mankunianliklar 2 ta gol urishga muvaffaq bo‘ldi. Dastlab 73-daqiqada Antoni Marsyal gol urgan bo‘lsa, oradan 3 daqiqa o‘tib, Fred hisobni ishonchli ko‘rinishga olib keldi.
Eslatib o‘tamiz, jamoalar o‘rtasidagi yarim finalning birinchi o‘yinida “qizil iblislar” 3:0 hisobida g‘alaba qozongan edi.
Shu tariqa Erik ten Hag shogirdlari umumiy 5:0 hisobida zafar quchib, finalga yo‘l oldi.
Angliya Liga Kubogi
1/2 final
1-fevvar, chorshanba
“Manchester Yunayted” — “Nottingem Forest” 2:0
Golilar: 1:0 – 73 Marsyal', 2:0 – 76 Fred.
“Manchester Yunayted”: Hiton, Uan-Bissaka, Varan (Maguayr, 80), Martines, Shou, Kazemiro (Lindelef, 80), Fred, Brunu Fernandesh, Vegorst (Marsyal, 63), Antoni (Sancho, 63), Garnacho (Reshford, 62).
“Nottingem Forest”: Hennessi, Uilyams, Boli, Makkenna, Lodi (Ore, 65), Froyler (Danilo, 64), Skarpa (Hemmond, 86), Mangalya, Serrij (Osong, 86), Dennis, Jonson (Mayten, 64).
Ogohlantirishlar: Fred (34), Serrij (45), Kazemiro (68).
