O‘zbekistonda abituriyentlar yangi o‘quv yilida qaysi fanlardan test topshirishi aniq bo‘ldi (ro‘yxat)

O‘zbekistonda 2023/2024-o‘quv yili bakalavriat qabuli uchun fanlar majmuasi tasdiqlandi. Bu haqda Oliy va o‘rta maxsus ta’lim vazirligi axborot xizmati xabar berdi.

Qayd etilishicha, vazirlik tomonidan abituriyentlarga qulaylik yaratish maqsadida oliy ta’lim muassasalari bakalavriat ta’lim yo‘nalishlari va ularga mos test sinovi (kasbiy (ijodiy) imtihon) topshiriladigan fanlar majmuasi belgilangan tartibda qabul boshlanishidan 6 oy oldin tasdiqlandi.

2023/2024-o‘quv yili qabul parametrlari tasdiqlanganda yangi tashkil etilgan ta’lim yo‘nalishlari fan majmualari qo‘shimcha tasdiqlanadi. Ma’lumot o‘rnida, Prezidentning 279-son qarori bilan Oliy va o‘rta maxsus ta’lim vazirligiga bakalavriat ta’lim yo‘nalishlariga mos keluvchi imtihon fanlari majmuasini tasdiqlash vakolati berilgan.

Ushbu havola orqali fanlar majmuasi bilan to‘liq tanishish mumkin.