Bugun,

  • USD 11095.31
  • RUB 173.84
  • EUR 10772.44

Yevropa Ittifoqi (YI) kengashi Ukraina va Gruziyaning bosib olingan hududlarida berilgan Rossiya parportalarini tan olmaslikka qaror qildi. Bu haqda YI kengashi xabarida ma’lum qilindi.

Foto: “TASS”

Foto: “TASS”

“Ushbu qaror Rossiyaning Ukrainaga qarshi asossiz harbiy tajovuzi va bosib olingan hududlar aholisiga Rossiya xorijiy pasportlarini berish amaliyotiga javobdir. Bu, shuningdek, Rossiyaning 2008-yilda Gruziyaning Abxaziya va Janubiy Osetiya hududlari mustaqilligini tan olish haqidagi bir tomonlama qaroriga ham aloqador”, deyiladi xabarda.

Ta’kidlanishicha, Ukrainaning Rossiya tomonidan bosib olingan hududlarida yoki Gruziya hududlarida yashovchi shaxslarga berilgan Rossiya sayohat hujjatlari viza olish yoki Shengen hududi chegaralarini kesib o‘tishda tan olinmaydi.

“Ushbu hududlarda berilgan pasportlar Yevropa Ittifoqiga a’zo davlatlar tomonidan tan olinmayapti. Mazkur qaror umumiy yondashuvni ishlab chiqish, tashqi chegara va umumiy viza siyosatining to‘g‘ri ishlashini hamda Yevropa Ittifoqiga a’zo davlatlarning xavfsizligini ta’minlashga qaratilgan”, deyilgan xabarda.

YeIning eslatishicha, Qrim yarim oroli 2014-yilning mart oyida noqonuniy ravishda anneksiya qilinganidan beri Rossiya aholiga o‘zining pasportlarini berib kelmoqda. 2019-yil aprelida bu amaliyot Donetsk va Lugansk viloyatlarining Ukraina nazorati ostida bo‘lmagan qismlariga, keyinroq, 2022-yil iyulida esa Xerson va Zaporojye viloyatlarining bosib olingan hududlariga tatbiq etilgan.

Yevropa Ittifoqi Kengashida qayd etilganidek, ushbu hududlarda Rossiya pasportlarining muntazam ravishda berilishi xalqaro huquq va Ukraina hududiy yaxlitligi, suvereniteti va mustaqilligining navbatdagi buzilishi hisoblanadi.

“Kengashning bugungi qarori Ukraina tomonida ekanimizning yana bir dalilidir. Uning hududlari Rossiya tomonidan noqonuniy anneksiya qilinishini hech qachon tan olmaymiz va Ukrainaning barcha bosib olingan hududlarni ozod qilish va ular ustidan to‘liq nazoratni tiklash huquqini yana bir bor tasdiqlaymiz”, — deya izoh berdi Chexiya ichki ishlar vaziri, Yevropa Ittifoqiga raislik qiluvchi Vit Rakushan.

Izoh
Asosiy yangiliklar
Dunyo
Oxirgi 100 yil ichida sodir bo‘lgan dunyodagi eng kuchli 10 ta zilzila (video+foto)
Dunyo
Polsha bosh vaziri Ukrainadagi urush uchinchi jahon urushiga aylanishini prognoz qildi
Mahalliy
O‘zbekistonda dollar kursi yana oshdi