5 dekabr — amerikalik animator, kino prodyuseri va tadbirkor, animatsiya sanoati kashshofining tug‘ilgan kuni edi. Shu munosabat bilan Elle nashri Disneyning asosiy qahramonlarini, shuningdek, ularning paydo bo‘lish tarixini yodga oladi.
Mikki Maus
Dunyodagi eng mashhur sichqonchaning yaratilish jarayoni qiziq bo‘lgan. Disney o‘zi ishlagan garajda doimiy ravishda to‘planib turadigan kemiruvchilardan juda qo‘rqqan. Aftidan, xayoli ularda bo‘lgani uchun ham yangi qahramon qilib sichqonchani tanlaydi. Mikki (birinchi marta Mortimer deb atalgan, ammo bu nom karikaturachining rafiqasiga yoqmagan) Disneyni ham, hamkasblarini ham yetarlicha asabini egovlaydi.
Disneyning sherigi rassom Ab Ayverks Mikki Mausning avvaliga raqobatchilari bo‘lganini eslaydi — mushukcha, qurbaqa va kuchukcha, lekin Uolt sichqonchaga yopishib oladi. Studiyaning kelajakdagi ramzi avvaliga juda oddiy tasvirlangan — dumaloq tana, bosh va ikkita quloqli sichqoncha. Aytgancha, uning quloqlari aylanmay doimo oldinga qarab turgan.
Boshidanoq ijodkorlar sichqonchani oq aristokrat qo‘lqoplarda chizishadi. Buning o‘ziga xos sababi bor edi: ular ekranda panjalarni ajratib ko‘rsatishga imkon berardi. Mikki Disneyning sevimli qahramoni edi — animator deyarli yigirma yil davomida sichqonchaga shaxsan o‘zi ovoz beradi. Umrining oxirida esa: “Men ko‘plab ayollar bilan tanishdim. Lekin Mikki Mausni hammasidan ko‘ra ko‘proq yaxshi ko‘raman”, — deb tan oladi.
Zolushka
Agar Mikki Maus Disneyning yaxshi ko‘rgan qahramoni bo‘lsa, Zolushka ayol qahramonlar orasida uning sevimlisi hisoblanadi. Disney bu ertakka birinchi marta 1922-yilda qisqa metrajli film suratga oladi. Chorak asr o‘tgach, Ingrid Bergmanning tipajiga asoslanib, Disney o‘zini to‘liq metrajli kartinada sinab ko‘rishga qaror qiladi.
U bir vaqtlar “Oppog‘oy” bilan bo‘lganidek, filmga bor sarmoyasini tikadi, agar Zolushka muvaffaqiyatsizlikka uchrasa, Disneyning cho‘ntagida chaqasi ham qolmasdi. Shuning uchun u oldiga maqsad qo‘yadi: hech qanday tajriba bo‘lmaydi, tomoshabin uchun maksimal aniqlik, bir so‘z bilan aytganda, hammasi eng yaxshi sxema bo‘yicha bo‘lishi kerak. Olti yillik ish, 2 million dollar, Disney boshchiligidagi xodimlarning butun bo‘limi – loyihaning muvaffaqiyatini ta’minlaydi.
Donald Dak
Bu kulgili va surbet o‘rdak mashhurlik borasida do‘sti Mikki Mausdan qolishmaydi. Bu, ehtimol, bolalar yomon odamlarni yoqtirishi bilan bog‘liqdir. Donald 30-yillarning o‘rtalarida paydo bo‘lgan, uni Disneyning o‘zi emas, balki studiya rassomi Dik Landi chizgan. Ular o‘rdakni aktyor Klarens Neshga o‘xshatib chizishadi, aslida u Disneyni bu obrazni yaratishga ilhomlantiradi.
Nesh boshqa loyihaning kastingida o‘rdak ovozida shu qadar o‘xshatib qichqiradiki, mashhur karikaturachi Mikki Mausning antipodi qanday bo‘lishi kerakligini tushunadi. Klarens Nesh o‘limigacha yarim asr davomida Donaldga ovoz berib, yuzga yaqin filmda qatnashadi.
Bembi
Agar siz Disneyning eng yaxshi ijodi “Oppog‘oy” yoki Mikki multfilmlari deb o‘ylasangiz, adashasiz. Ma’lum bo‘lishicha, ko‘pchilik tomoshabinlar beozor kiyikcha uchun ovoz berishadi. To‘g‘ri, har doim ham shunday bo‘lmagan: avvaliga film mashhurlikka erishmagan, faqat omadsizlikka uchragan. Asta-sekin tomoshabinlar bu haqiqiy shedevr ekanligini tushunishadi. Multfilm 20-yillarda nashr etilgan xuddi shu nomdagi bolalar bestselleri kitobiga asoslangan edi. Unga bo‘lgan huquqlarni film suratga olmoqchi bo‘lgan Gollivud studiyasi sotib oladi. Prodyuserlar bu texnik jihatdan haqiqiy emasligini anglab yetgach, mualliflik huquqlarini Disneyga beradilar.
Oppog‘oy
Taxminlarga ko‘ra, Uolt Disneyga Oppog‘oy haqida multfilm suratga olish fikri Parij kinoteatri zalida o‘tirganida kelgan. Mikki Maus sarguzashtlarini ko‘rayotgan tomoshabinlarga qarab, Disney omma bir nechta multfilmlarni ketma-ket tomosha qilishni yoqtirishini va bundan charchamasligini tushunadi. Oppog‘oy qahramon sifatida uni uzoq vaqt davomida — 16 yoshidan boshlab — bo‘lajak animatorga aka-uka Grimmlar kitobi asosidagi filmni ko‘rganidan beri tinchlik bermayotgandi. Loyiha ustida ishlashni boshlagan Disney xavfli ishga aralashayotganini tushunadi.
Badiiy metrajli multfilmlar undan oldin allaqachon yaratilgan, ammo bunday miqyosda emas. Disney bu qahramon uchun 1 million dollar (30-yillar uchun juda katta mablag‘), 3 yillik umrini, millionlab rasm chizgan deyarli 400 nafar xodimning ishini sarfladi. Aytgancha, bosh qahramon prototipi bo‘lgan 17 yoshli raqqosa Merjori Belcher hali ham tirik. Faqat u hozir 17 emas, 95 yoshda.
Vinni Pux
Ajablanarlisi shundaki, ayiq bolasi mashhur Disney qahramonlari ro‘yxatiga kiritilmagan. Balki u multfilmlarda paydo bo‘lishidan ancha oldin bolalarning kumiri bo‘lgani uchundir? Yoki Uolt Disneyning o‘zi “Vinni Pux” loyihalarida munosib ishtirok etishga ulgurmagani uchunmi? Milna kitobining qahramoni 60-yillarning boshlarida, sobiq mualliflik huquqi egasining bevasi ushbu huquqlarni studiyaga sotganida, studiya ijodkorlari qo‘liga tushadi. Dastlab Vinni haqida qisqa metrajli filmlar ishlangan va to‘laqonli multfilm debyutdan 15 yil o‘tgach paydo bo‘lgan. Bu kartina shedevrga aylana olmadi — studiya ayiq bolasi va uning do‘stlarini qisqa multfilmlarda ishlatish to‘g‘riroq deb qaror qiladi. O‘shandan beri Pux televideniyega o‘tib, uning ishtirokida bir nechta animatsion seriallar suratga olindi.
Mavzuga doir:
- “Ratatuy”, “Boshqotirma”, “Koko siri” — bolalar qolib, kattalar ham sevib tomosha qiladigan Pixar multfilmlari (video)
- “Fi, Chi, Pi”, “Sukunat”, “Oroldagi ertak” — qayta-qayta ko‘rishga arziydigan, kuchli sujetga ega bo‘lgan turk seriallari
- Sevimli filmlarimizning turli aktyorlar tomonidan ijro etilgan afsonaviy qahramonlari (foto)
Izoh (0)