Turk seriallari ancha beri butun dunyo bo‘ylab tomoshabinlarning mehrini va e’tirofini qozonib kelmoqda. Ulardagi hamma narsa diqqatni tortadi: ajoyib aktyorlik ishi, hayajonli voqealar va operatorlik ishi ham.
“Oq-qora sevgi” (2017–2018)
IMDb reytingi - 8.1
U odamlarni qutqaradigan tajribali shifokor qiz, u esa odamlarni shafqatsizlarcha o‘ldiradigan yigit. To‘satdan ularning yo‘llari kesishadi, yigit va qiz o‘rtasida haqiqiy muhabbat uyg‘onadi, bu keyinchalik buyuk tuyg‘uga aylanadi. Ular shunchalik har xilki, bir qarashda ular orasida umumiy narsa bo‘lishi mumkin emasdek tuyuladi. Biroq unday emas.
“Oroldagi ertak” (2021-yil)
IMDb reytingi - 8.2
Qizga bir boyning yer uchastkasini tortib olish buyurilgan. U buni deyarli uddalaydi, lekin to‘satdan bir bayramda u o‘sha hududning egasi bo‘lgan yigitga duch keladi. Ular hech narsani bilmay, bir birlarini sevib qolishadi. Ammo ertami-kechmi haqiqat yuzaga chiqadi.
“To‘rg‘ay” (2018–2019)
IMDb reytingi - 7,4
Bosh qahramon oziq-ovqat do‘konida ishlaydi, ammo keyinchalik bir nuqtada qotib qolmasligi kerakligini tushunadi. Qiz ayollar jurnali nashriga ishga kiradi. U yerda nashriyot egasining o‘g‘illari bo‘lgan aka-uka bilan tanishadi. Ularning eng kichigi qizni sevib qoladi, lekin qiz ko‘pincha ish joyida akasi bilan to‘qnash kelaveradi. Shu yerda uning sarguzashtlari boshlanadi.
“Quzg‘un” (2019)
IMDb reytingi - 7,7
Erkak bolaligidan otasi bilan urishgan odamni jazolash uchun qasos olish rejasini tuzgan. U allaqachon o‘z rejasini amalga oshirishga tayyorgarlik ko‘rayotgan edi, lekin u bir qizni uchratadi. Ma’lum bo‘lishicha, sevgilisi o‘sha odamning qizi ekan. Voqealarning kutilmagan rivoji shu yerdan boshlanadi.
“Sen mening vatanimsan” (2016–2018)
IMDb reytingi - 8.2
Filmdagi voqealar mamlakat uchun qiyin davrda sodir bo‘ladi. Serialning bosh qahramonlari — harbiy xizmatchi va uning sodiq rafiqasi ayrilishga majbur. Erkak xizmat yuzasidan oilasidan uzoqda, bu orada do‘sti uning xotinini ko‘nglini olmoqchi bo‘ladi. Ayol begona erkakning bosimiga qarshi tura oladimi, eriga sodiq qoladimi?
“Shaxsiyat” (2018)
IMDb reytingi - 9,1
Ilgari bosh qahramon sudmedekspert bo‘lib ishlagan, ammo nafaqaga chiqqanida Altsgeymer kasalliga chalinadi va mutlaqo tasavvur qilib bo‘lmaydigan ishlarni qila boshlaydi. “Shaxsiyat”ning har bir epizodi shafqatsiz chol bilan to‘qnash kelgan bir qurbon haqida hikoya qiladi.
“Fi, Chi, Pi” (2017—2018)
IMDb reytingi — 7,8
“Fi, Chi, Pi” romani Azra Koyenning Turkiyadagi mashhur romanlar trilogiyasi asosida yaratilgan. U 3 qismdan iborat. Sujet to‘satdan o‘z sevgisiga duch kelgan yosh balerina atrofida sodir bo‘ladi. Bundan keyin uning hayoti ancha yaxshilanishi kerakdek tuyuladi, lekin baxtga qarshi parchalana boshlaydi.
“O‘lguncha” (2017)
IMDb reytingi - 7.2
“O‘lguncha” serialining bosh qahramoni bir qizni telbalarcha sevib qolgan. To‘yi kuni kelinning otasi olamdan o‘tadi va barcha shubha yigitga tushadi. U 11 yil qamoqda o‘tiradi. U yerda uzoq o‘tirishi mumkin edi, lekin unga maftunkor advokat yordamga keladi. U bosh qahramonning aybsizligini isbotlashga va hatto erkakni maftun etishga ham muvaffaq bo‘ladi.
“Sukunat” (2012)
IMDb reytingi - 8,4
“Sukunat” filmida qiyin vaziyatga tushib qolgan 4 do‘st haqida hikoya qilinadi. Ular tergov ostida va qamoqqa tushishadi, qamoqda ko‘p sinovlardan o‘tishlari kerak. Nihoyat, ular ozod qilinadi. Shundan so‘ng ular do‘stlikni davom ettira olmasligini tushunishadi, har kim o‘z yo‘lidan ketadi. Ammo bir kun kelib ularning taqdirlari yana bir nuqtada tutashadi.
“Taqdir o‘yini” (2021)
IMDb reytingi - 7,5
Turk qiz alban yigitga turmushga chiqadi. Bir muncha vaqt o‘tgach, yigit u bilan munosabatlarni faqat Turkiya fuqaroligini olish istagi tufayli rasmiylashtirgani ma’lum bo‘ladi. Biroq qiz erkakni rad etmaydi, balki uning sevgisini qozonishga qaror qiladi. Unga yaqinroq bo‘lishni maqsad qiladi va hatto uning kompaniyasiga ishga kiradi. U yerda erining bolalikdagi do‘sti bo‘lgan kelishgan yigitni uchratadi. Qahramon qanday qaror qabul qiladi: erining sevgisi uchun kurashadimi yoki yangi munosabatlarga kirishadimi?
Mavzuga doir:
Izoh (1)
рейтинг баланд бўлгани билан ўртача сериаллар