Yig‘lamasdan ko‘rolmaysiz: Odamlar va jonivorlar do‘stligi haqidagi eng ajoyib filmlar

Butun dunyoda 30-noyabr — Butunjahon uy hayvonlari kuni sifatida nishonlanadi. Quyida farzandlaringiz bilan oila davrasida ko‘rish tavsiya qilinadigan jonivorlar haqidagi filmlar bilan tanishing.

“Do‘stim Xaygen”

Vengriyalik rejissor Kornel Mundruzoning mazkur filmi nafaqat hayvonlarga muhabbat, balki inson uy hayvonlariga ko‘rsatishi mumkin bo‘lgan shafqatsizlikka ham bag‘ishlangan. Film 2014-yilda Kann kinofestivalida hakamlar hay’atining e’tirofiga sazovor bo‘ldi: mutaxassislar yosh egasining otasi tomonidan ko‘chada qoldirilgan Xaygenning hayoti haqidagi hikoyani yuqori baholadilar. Bir qator sarguzashtlar va baxtsizliklardan so‘ng, u hayvonlar boshpanasiga tushib qoladi, u yerdagi odamlarning g‘ayriinsoniy munosabati tufayli hayvonlar haqiqiy qo‘zg‘olon ko‘taradi. Endi shaharni hayvonlar bosqinidan faqat uning aholisining tavbasi va Xaygenning egasi — o‘sha kichkina qizning mehri qutqarishi mumkin.

“Xatiko: eng sodiq do‘st”

Richard Gir va akito-ino zotli it ishtirok etgan “Xatiko: eng sodiq do‘st” filmidan ko‘ra ta’sirchan va qayg‘uliroq filmni topish qiyin. Filmni tomosha qilayotganda hech kim ko‘z yoshlarini ushlab turolmaydi, chunki u real voqealarga asoslangan. Bir kuni universitet professori vokzalda kuchukchani uchratib qoladi va uni o‘zi bilan olib ketadi. Jonivor o‘sib-ulg‘aygach, egasini ishga, stansiyaga kuzatib qo‘yishni boshlaydi. Bir kuni professor uyga qaytmaydi, Xatiko esa o‘sha joyda do‘stini kutishda davom etadi. Mazkur kartina nafaqat Gollivudda, balki Yaponiyada ham suratga olingan. Aktyorlar mahoratini solishtirish uchun “Xatiko hikoyasi” filmini ham tomosha qilish mumkin.“Villini ozod qiling”Mazkur film tomoshabinlarning katta muhabbatiga sazovor bo‘ldi va bir vaqtlar hatto kitlarga nisbatan shafqatsiz munosabatda bo‘lishga qarshi ommaviy noroziliklarga sabab bo‘ldi. “Villini ozod qiling” filmi erta yoshda oilasidan ajralgan va istirohat bog‘iga olib ketilgan kit va uyidan qochgan bola o‘rtasidagi do‘stlik haqida. Shunisi e’tiborga loyiqki, 1993-yilgi lenta tomoshabinlarni shunchalik hayratda qoldiradiki, film chiqqandan keyin kitlarni saqlash jamg‘armasiga 20 million dollardan ortiq xayriya qilinadi va Villi rolini o‘ynagan kit — Keyko jamoatchilik bosimi tufayli Mexiko Siti Parkidan ozod qilinadi.“Orzumand”Dakota Fanningning birinchi asosiy rollaridan biri darhol uning o‘ziga xos tashrif qog‘oziga aylandi: “Orzumand” filmida u mashhur aktyor Kurt Rassell bilan birga o‘ynadi. Hikoyada ota va kichkina qiz sahroda yashaydi va ular ko‘p vaqtlarini birga o‘tkazishsa ham, bir-birini tushunishmaydi. Ularning yaqinlashishlarining kutilmagan sababi qizcha tarbiyalayotgan otning kasalligi: u otasidan uni davolashda yordam berishini so‘raydi. Shundan so‘ng ularning do‘stligi va jonivor hayoti uchun kurash boshlanadi.“Doktor Dulittl”Tentaknamo (boshqalar nazarida) doktor Dulittlning sarguzashtlari bir necha bor suratga olingan: birinchi marta hayvonlarning 500 dan ortiq tilini biladigan va hayvonlarga yordam berishni yaxshi ko‘radigan odam haqidagi film 1967-yilda suratga olingan. Kartina jamoatchilikning qiziqishini shu qadar uyg‘otadiki, film hatto ikkita “Oskar”ga sazovor bo‘ladi. Qahramonga bo‘lgan muhabbatning yangi to‘lqini 1998-yilda Eddi Merfi professor rolini o‘ynaganida ko‘tarildi. Hozirda Dulittlning navbatdagi qayta suratga olish ustida ish olib borilmoqda — shifokor rolini kichik Robert Dauni ijro etadi.

“Sevimli”

Garchi film bitta ham “Oskar” olmagan bo‘lsa ham (garchi u birdaniga 7 ta nominatsiyasda nomzod bo‘lgan), bu film darajasini belgilab bermaydi. “Sevimli” Tobi Maguayr faoliyatidagi eng yaxshi filmlardan biri bo‘lib, kartina sujetidan ta’sirlanmaydigan odamni topish qiyin. Ko‘zi ojiz chavandoz musobaqada g‘alaba qozonishni orzu qiladi. Lekin u kuchli otga emas, balki kuchsiz va shiddatli poyga uchun deyarli yaroqsiz otga ishonadi. Bu obraz taqdirni yengib, barchaga g‘alabaga loyiq ekanini isbotlay oladimi?“Oqtish”Bolalar bilan tomosha qilish uchun ideal film, ayniqsa ular hayajonli sarguzasht filmlarini yaxshi ko‘rsalar. Filmning bosh qahramoni yosh Jek oltin vasvasasi paytida Klondaykka keladi. Bu yerda u onasi mahalliy ovchi tomonidan o‘ldirilgan bo‘ri bolasini uchratadi. Taqdir taqozosiga ko‘ra bola yovvoyi hayvonga tez-tez duch keladi va asta-sekin ular haqiqiy do‘stona jamoaga aylanadi.“Qoraquloq Bim”Gavriil Troepolskiyning xuddi shu nomdagi hikoyasining ekranlashtirilgan varianti darhol rus kinosining “oltin fondi”ga kirdi. Kasalxonaga olib ketilgan xo‘jayinini kutayotgan Shotlandiya setteri haqidagi hikoya ommani o‘ziga rom etdi. Sarguzashtlari davomida setter yaxshi va yomon odamlarni uchratadi, lekin ko‘p yillar davomida unga g‘amxo‘rlik qilgan Ivan Ivanovichni topish istagi o‘zgarmaydi.