Bugun,

  • USD 11095.31
  • RUB 173.84
  • EUR 10772.44

Ijtimoiy tarmoqlarda nogironligi bo‘lgan yigit bo‘ynidan zanjirband qilingani aks etgan video tarqalib, turli muhokamalarga sabab bo‘ldi. Samarqand viloyati IIB holat yuzasidan rasmiy ma’lumot berdi.

Foto: Videodan kadr

Foto: Videodan kadr

Tuman IIB tomonidan olib borilgan tergovga qadar tekshiruv harakatlari natijasida aniqlanishicha, videoda aks etgan fuqaro Samarqand viloyati Ishtixon tumanida yashovchi, 2001-yilda tug‘ilgan fuqaro A.G‘. (tug‘ma kar-soqov) bo‘lib, holat 2022-yilning 15-noyabrida sodir bo‘lgan.

U 2004-yilda “Samarqand eshitishida nuqsoni bo‘lgan bolalar uchun” №-61 sonli maxsus maktab internatida o‘qib, 12-sinfni tugatgan. 2003-yildan buyon Ishtixon tumanida yashovchi tog‘asi J.A. qo‘lida tarbiyalangan, tog‘asi uni ushbu maxsus maktabda o‘qitgan.

Fuqarodan mutaxassis (surdopedagog) ishtirokida tushuntirish olinganda, u uyidagi ro‘zg‘or yumushlarini bajarmaslik uchun o‘zini o‘zi metal zanjir bilan bog‘lab, qulf osib, u bilan birga turuvchi akasi (tug‘ma kar-soqov) A.M.dan ushbu holatni ijtimoiy tarmoqlarga tarqatishini so‘rab, shu yo‘l bilan uy ishlaridan qutulishni maqsad qilganini, ishidan pushaymonligini, hech kimga da’vosi yo‘qligini bayon qilgan.

Fuqaroning tog‘asi J.A.dan tushuntirish olinganda, u jiyaniga nisbatan bu kabi harakatlarni sodir etmagani, holatni ijtimoiy tarmoqqa chiqqanidan so‘ng bilganini bayon qilgan.

Fuqaro Ishtixon tumani Tibbiyot birlashmasida tibbiy ko‘rikdan o‘tkazilganda, uning tanasida hech qanday tan jarohatlari aniqlanmagan. Taraflardan tushuntirishlar olib hamda holat o‘rganilib, jinoyat ishini qo‘zg‘atishni rad qilish haqida qaror qabul qilingan.

Izoh
Asosiy yangiliklar
Dunyo
Turkiya va Suriyadagi zilzila nega halokatli oqibatlarga olib keldi?
Mahalliy
“Qardoshlarimizga hamdardmiz”. O‘zbek jamoatchiligi Turkiyadagi zilzilaga munosabat bildirdi
Mahalliy
Shavkat Mirziyoyev harbiy xizmatga navbatdagi chaqiruv bo‘yicha qarorni imzoladi