Ijtimoiy tarmoqlarda Toshkent viloyatining Qibray tumanidagi O‘nqo‘rg‘on zapravkada 6-dekabr kuni yong‘in chiqqani haqida xabarlar tarqalgandi. FVV matbuot xizmati holat yuzasidan ma’lumot berdi.
Qayd etilishicha, shu kuni soat 13:30 larda Toshkent viloyati Qibray tumanidagi avtomobillarga gaz quyish shoxobchalaridan birining hududida elektr kabellarida qisqa tutashuv sodir bo‘lgan. Bu haqda tuman FVBga hech qanday xabar kelib tushmagan.
Hodisa natijasida yong‘in sodir bo‘lmagan. Vaziyat tuman Elektr tarmoqlari xodimlari tomonidan bartaraf etilgan. Voqea joyiga tuman FVB rahbari yetib borgan.
Hodisa oqibatida tan jarohati olgan va halok bo‘lganlar yo‘q.
Izoh (0)