Bugun,

  • USD 11095.31
  • RUB 173.84
  • EUR 10772.44

Ijtimoiy tarmoqlarda Yangi Namangan kengashi deputati Muzaffar Jamolitdinovning Facebook ijtimoiy tarmog‘iga joylagan posti (keyinchalik o‘chirib tashlangan) keng muhokamalarga sabab bo‘ldi. Deputat internetda kommunal xizmatlardan nolib, tanqid qilayotgan fuqarolarga murojaat qilib, qamoqxonalardagi kameralar issiq va yorug‘ ekanini eslatib o‘tgan.

Post qo‘yilgach, tarmoqda keskin va tanqidiy reaksiyalarga sabab bo‘ldi. Shu munosabat bilan u o‘z postiga izoh berish maqsadida Facebook tarmog‘ida yana bir post joyladi.

“Men qo‘ygan post ijtimoiy tarmoqlarda keng tanqidiy muhokamalarga sabab bo‘ldi. Men gaz va elektr bilan bog‘liq tanqidiy materiallarni tarqatmasdan, qamoqda emasligiga shukr qilish kerakligi, tinchlik va xotirjamlikning qadriga yetishga oid matn joylagan edim”, — deb yozadi Muzaffar Jamolitdinov.

Uning aytishicha, fikrini to‘liq va batafsil yoritmagani oqibatida post ijtimoiy tarmoqlarda boshqacha talqin etilgan.

“Post qo‘yilgach, turli guruhlarda chiqa boshlagan munosabatlardan so‘ng o‘zim qo‘ygan postni takror-takror o‘qib, noto‘g‘ri joylaganimni angladim. Ya’ni, mendagi asl maqsad xalqni qamalishi bilan qo‘rqitish yoki tahdid qilish emas, balki tinchlik-xotirjamlikning qadriga yetishga qaratilgan edi”, — deya fikrlarini izohlagan u.

Muzaffar Jamolitdinov nima uchun postda aynan qamoq bilan bog‘liq holatga to‘xtalganiga ham izoh bergan:

“Bundan 6 yil avval men o‘zim bir ishda ayblanib 10 oy qamoq ehtiyot chorasida turmada saqlanganman. Shunda oilaviy xotirjamlik, tinchlik hamma narsadan ustunligini anglab yetganman. Men 10 oy davomida kechirgan tashvishlarim shu darajada og‘ir bo‘lganidan hamda yana qaytadan tiklanish juda qiyin bo‘lganidan ayni kundagi elektr va gaz bilan bog‘liq muammolar o‘z nazarimda yengildek tuyuldi. Kommunal muammolar bilan bog‘liq turli videolarni ko‘rib, xayolimdan ‘bundan ham og‘ir tashvishlarda yurganlar bor’ degan fikr bilan post joylagan edim”.

U postni tahdid deb qabul qilgan fuqarolardan uzr so‘ragan.

“Bugungi davlat siyosati shu darajada insonparvarki, xalparvarki. hatto men o‘zim ham bitta qo‘ygan postim ortidan odamlarning talqini va tanqidini muhokama qilmasdan, deputatlik vakolatimni muddatidan avval tugatish haqida ariza berdim.

Ushbu munosabatni o‘qib chiqib, postni joylashdan bo‘lgan asl maqsadni tushunib yetib, ayni vaqtdagi men uchun og‘ir bo‘lgan bir davrda qo‘llab-quvvatlaganlarga katta minnatdorchilik bildiraman”, — deya so‘zlarini yakunlagan Muzaffar Jamolitdinov.

Izoh

Qobiljon Sattarov

07.12.2022, 19:38

биз узбекмиз хаккимиз йук талаб килишга сабаб куйларни хакки йукда хамма депутатлар Бир гурсан

Asosiy yangiliklar
Mahalliy
Ota bolasini, aka ukasini tanimaydi, chang-to‘zon, terlab-pishib har kim uloqni taqimiga bosish qayg‘usida” — Piskentdagi koʻpkaridan fotoreportaj
Mahalliy
O‘rta Chirchiqda 400 nafar o‘quvchi maktab binosi olib qo‘yilgani sabab darsga borolmayotgani xabar berildi. Zoir Mirzayev holatga eʼtibor qaratdi
Mahalliy
Turkiyadagi dahshatli zilzilada 3 419 kishi halok boʻldi — voqea tafsilotlari (video)