Andijon shahridagi uylarning birida 7-dekabr kuni yong‘in yuz berdi, deb xabar bermoqda FVV matbuot xizmati.
Ma’lum qilinishicha, soat 04:04 da Andijon shahar “Sa’diy” MFY Eski O‘sh ko‘chasidagi uylarning birida yong‘in bo‘layotgani to‘g‘risida shahar FVBga xabar kelib tushgan. Shunga ko‘ra 4 ta yong‘in-qutqaruv ekipaji soat 04:09 da voqea joyiga yetib borib, yong‘in soat 04:14 da qurshab olingan va soat 04:40 da bartaraf etilgan.
Yong‘in natijasida uyning 70 kvadrat metr maydonda shift, tom qismi va uy-ro‘zg‘or buyumlari yonib zararlangan. Qutqaruvchilarning tezkor harakatlari natijasida uyning 180 kvadrat metr maydoni yong‘indan saqlab qolingan.
Hodisa oqibatida tan jarohati olgan va halok bo‘lganlar yo‘q. Hozirda yong‘in sababi va moddiy zarar miqdori aniqlanmoqda.
Mavzuga doir:
Izoh (0)