Urugvay terma jamoasi himoyachisi Xose Ximenes 15 o‘yinga diskvalifikatsiya qilinishi mumkin.
Futbolchi JCH—2022 3-turi doirasida kechgan Ganaga qarshi o‘yindan keyin bosh hakam Daniel Zibertga yaqinlashish chog‘ida FIFA direktorlaridan biriga tirsak bilan zarba bergan.
Bundan tashqari “Atletiko” futbolchisi hakamlarni haqorat qilgan va bu efirga tushib qolgan.
Mundo Deportivo nashrining xabar qilishicha, ushbu holat o‘yin qaydnomasiga tushirilgan bo‘lsa, FIFA futbolchini 15 ta o‘yingacha diskvalifikatsiya qilishi mumkin. Bunda direktor o‘sha uchrashuvga mas’ul shaxslar qatoridan joy olgan bo‘lishi kerak bo‘ladi. Agar bunday bo‘lmasa, diskvalifikatsiya muddati uchta o‘yinni tashkil qiladi.
Shuningdek, Ximenes sportchilar xos bo‘lmagan harakati va haqoratli so‘zlari tufayli kamida to‘rtta o‘yinga chetlatilishi mumkin.
Qayd etilishicha, diskvalifikatsiya faqat Urugvay emas, “Atletiko”dagi o‘yinlar ham tatbiq etilishi mumkin.
Eslatib o‘tamiz, uchrashuvda hakamlar Urugvay foydasiga ikkita penaltini bermadi. Bu esa jamoada norozilik keltirib chiqardi.
Izoh (0)